الهم ضيف(ن) لانصاني قلت والله ولعنَه؟؟

[ابراهيم الزراقي]

هذه ابيات جديده اتمنى انها تعجبكم





ولاتقولون ذا بخيل لكن ؟؟؟





ضيفي والله ماينصبر عليه











الهم ضيف(ن) لانصاني قلت والله ولعنَه=ماهو بخل مير الكريم صدوف وقته باقته

ضيف(ن) ثقيل ومحترف فالجمركه والمسكنَه=قليل عرف وحكمة الأقدار يمي ساقته

في كل ليل أضيفه دام الضيافه ممكنَه=وأبيته ليت الضحى ينثر علي إشراقته

وأليا أشرقت شمس الضحى ينهض تقل جاه طعنَه=وأخذ رحول(ن) من طمعها قوت ذودي حاقته

وقبل يروح أمهد دروبه ورحله ممنَه=وأودعه وأ قول يالله لاتعيد لفاقته

وأليا أ قبل الليل وغدت روس الرعاه مطمنَه=وباتوا مدورت الغبوق مع اللباء ولعاقته

عود علي وجاله بصدري قريع وحنحنَه=وأ قوم وأعشيه وأدخِل مع نياقي ناقته

أنا الكريم ألي بناله بالمكارم سلطنَه=مير الكرم من بعض خلق الله تموت لياقته

بعض الضيوف إن جات فصدور الكرام مسكنَه=وبعض الضيوف تسبب لصدر الكريم ضياقته

وأنا أتباها بالمكارم والرجال مومنَه=لكن هذا الضيف نفسي ياعرب ما أشتاقته

تخيلوا جاله سنَه فالصدر وأكثر من سنَه=وغيره ليا جاله ثلاث أيام ياخذ فاقته

ماغير ملبد خلف عوج(ن) بالعنا مستوطنَه=وإن جيت ألمحله عرفت إن الغباء إعاقته

ثقيل ( دم ) وقصته في وسط صدري مزمنَه=وأنا أستحي لا أ قول ( قم ) والغيض نفسي ذاقته

من سبته جاء للفقر عندي طبول ودندنَه=وأهوه ولاهمه مدوبح فالعشى وعذاقته

ثقل عليه له سنه ياشينها والله سنَه=لين أخرتها مابقي فمراحي ألا؟؟( ناقته)





شعر...ابراهيم الزراقي

[لا .]

جميل جداً هذا النص ياابراهيم ..

واتساءل عن سبب كتابته في البوح لافي المحراب :)؟!

..

استمتعت بقراءته .. والله يبعد عنك هالضيف النشبه :)

شكراً واكثر ياشاعر :3:

[لطام]

القدير أبراهيم .. نص رائع
صح قلبك ونبضك ..

.
.


كل التحايا لك

[* .. الزينة .. *]

صح لسانك

ابيات جميلة ،، وبانتظار جديدك

احترامي

[لحن مختلف]

تخيلوا جاله سنَـه فالصـدر وأكثـر مـن سنَـه
وغيـره ليـا جالـه ثـلاث أيـام ياخـذ فاقتـه


الله يكون بعونك :)

نص رائع اعجبتني طريقة بدايته وطريقة ختمه.../


أنـا الكريـم ألـي بنالـه بالمكـارم سلطـنَـه
مير الكرم من بعـض خلـق الله تمـوت لياقتـه

بعض الضيوف إن جات فصدور الكرام مسكنَـه
وبعض الضيوف تسبب لصدر الكريـم ضياقتـه


وصف رائع وفي الصميم..



ثقيل ( دم ) وقصته في وسط صـدري مزمنَـه
وأنا أستحي لا أ قول ( قم ) والغيض نفسي ذاقته


جميل جدا هذا الشعور رغم الآلم..



ضيف(ن) ثقيل ومحترف فالجمركـه والمسكنَـه
قليـل عـرف وحكمـة الأقـدار يمـي ساقتـه


ونحن نشكر حكمه الاقدار التي نثرت لنا هذا الابداع :)



ثقـل عليـه لـه سنـه ياشينـهـا والله سـنَـه
ليـن أخرتهـا مابقـي فمراحـي ألا؟؟( ناقتـه)

عساه يعود بس ياخذ ناقته ويرووح


ابراهيم الرزاقي

قصيده جدا رائعه رغم مافيها من الم../آستمتعت بقراتها..

تقبل مروري وتعليقي المتواضع اللي مدري وش يبي ال انه سوا مثل ضيفك

لاااهنت

[بُكَاءُ اليَاسَمِينْ]

اسْتَفَاق ضيْفِي القَابُع بَيْن حنَايَا القَلْب المُتَدلّي علَى حَافّة الوَجَع ,
لِ يقُول نكَايةً بِي : صحّ نبضُك يَا قَدِير : )
ولِ يُقسِم أنْ لَنْ يحِيد !

:3:

[تقاسيم الزمان]

نص تميز بالرووعة والابداع

شكرا لكــ..