الــٍ عٍ ــٍزوٍفٍ
08-18-2008, 10:42 AM
يسعد صباحكم / مساءكم
"هيفاء التميمي"
أبنة القصيم ... وبالتحديد .. رياض الخبراء..
شاعرة ... تكتب بكل صدق وروعهـ .. بـ قصائدها نفحة إيمانيه ..حكمة وعزة نفس ..
مما كُتـب عنها :
.. ( هيفاء قمة هرم نسائي لن يتكرر ) ..
.. ( تعتبر قلم نسائي استثنائي في عالم روعة الكلمة واحتراف الجمال اللغوي والأدبي ) ..
هُـنـا ... دعوة لـقراءة بعضاً من روائــع [ هيفاء ]..
أضاءة أولى :
برغم قراءتي المتأخرة لأشعارهـا ..إلا أنها تستحق المتابعة ..أختفت فجاءة من عالم المنتديات لكن هاهي تعود بقوة
في أحدى المنتديات ...تكتب الشعر للشعر فقط ..
ماكتبت الشعر لجل ارضي به احدٍ بالبرايا=وْلاتمنيت اشتهر به ولاغدا عندي مـرام
والحقيقه .. الحقيقه ركعتين وقول آيـه=تسوى عندي هالقصايد والأغاني والهيام
،،،،،،،،،،،،،،،،،،،،،،،،،
عسى كل القصيد اللي شهد بان الوفا موجود=يموت ويتبعه كل من ينافي فعلـه اشعـاره
تصورت الشعر منحة وقلت ابذل بليّا حـدود=تميميٍ فتـح صـدره قبـل لا تنغلـق داره
أدونْه ويئن الطرس من حِر الحبـر ملهـود=يشح ومايجود الا بعـذابٍ تِحصَـد ثمـاره
إذا ماينحدر دمعي ومناديلي عليـه شهـود=فـلا والله يشجينـي ولاتطربنـي اوتـاره
كتبته قبْل تدميني رْمـاح الغـدْر والبـارود=كتبته والشعر أسمى مْن التزويـر واوزاره
كتبته مادريت انه غدا حتفي وْلا بـه فـود=كتبته والمدى خيلٍ يفل السـرج مضمـاره
رحل بي مارحم حالي وركْب الخافق المقرود=تعدتْه القوافـل ليـن عـوّد يبكـي ادبـاره
مصيبه لاخذت لب اتزاني لحظتيـن شـرود=وجاوزت بخيالي واقْـع العقّـال واسـواره
وتخيلت المدىأبيض ولابه جاحد ومجحـود=ولابه خاين ولابه غريبٍ عن ثـرى ديـاره
كأن اللي خلق هيفا جعل مَعْه الحزن مولـود=إلهٍ لااعتراض بْمـا كتبْـه وهـذي اقـداره
انا ماقد لحقت اللي ابيه وحظـي المطـرود=سرابٍ لاح لاشباهي وهي تروى مْن انهاره
،،،،،،،،،،،،،،،،،،،،،،،،،،
والله اني اشوف الجرح يومض وميـض=وارفع ايدين باسـي طيـب ماهـو ردى
آقف بوجه همـي ليـن همّـي يفيـض=وان تباطى قطعـت دروب ياسـي عِـدا
ضاقت آلارض وش جاب السما للحضيض=واجدب القلب مهمـا دوح وجـدي شِـدا
ماتفيـد آلاطبـا دام حـظـي مـريـض=ولاتـرد المدامـع مامضـى لـي سِـدى
أستفـز القوافـي بالجـروح تْحَرِيـض=واقبِل وكل مااقفـت ولولـت بـي حِـدا
طِيبِة ٍ مع لعانـه وش جمـع هالنقيـض=راح عمري وانـا اللـي ماهقيتـه بـدا
وين الد المحاجر؟ حد جرحـي عريـض=من شمال ويمين ودمعتـي لـه صـدى
كل ماجيت ابنسى هاض بـي مايهيـض=آتصبّـر ومثلـي مالصـبـره جــدى
،،،،،،،،،،،،،،،،،،،،
يُمَّه متى كان الطموح دفوف وقيان وزفـاف !=أو طرحةٍ معها تظنين الزمـن صـار بيـدي؟
يُمَّه همومي ماتخاف الله وْلـو انْهـا تخـاف=ماغيَّبت روحي ورا ليل الرحيـل السرمـدي
ياميمتي ماهيب انا اللي ترتضي غير العفـاف=ولا هيب انا اللي لاارتدوا ثوب الخطية ترتدي
رضيت باسمال الزمن واردى محاصيل الجفاف=وْلاقد عتبت الا على حظٍ مـن اسبابـي ردي
شكيت؟..!..لا..ماقد شكيت وْزينْة الدنيا كِفاف=وْ لاقد ثأرت لطيبتي وْ لاقد عذلـت المعتـدي
بنعيش مره وش يهم..عشنا رغد ولاّ عجاف=وشوله الهث والقضا يسري بطا..ولا عـدي
يُمَّه تعالي لملمي وجـدٍ تبعثـر بـه زعـاف=سمٍ تجرعته رضـا حتـى هجانـي مرقـدي
يُمَّه تعودت الكـدر يامـاااااا تدثرتـه لحـاف=وياما سألت وسادتي عن اخر علـوم الجـدي
رجمٍ تخيلت القـدم فوقـه تعلـت والضفـاف=اثري هويت مْن العمى واثر المدامـع تقتـدي
،،،،،،،،،،،،،،،،،،،،،،،،
الهم مثْل الجـداول بالحشـا جـاري=وعيوني اللي وفـي المـوق يغلبهـا
ليه الخلايق تمووووت وتسبراغواري=ليه الحزن والجمود اللـي يجاوبهـا!
عشرين مع ست ياناشد عن اخبـاري=وسـادي الضيـم ولحافـي متاعبهـا
أشعل فتيل الألم واصبر علـى نـاري=يافزعة الريح ليـن ارسـل هبايبهـا
أضحك تقول البكـا ماينـزل بـداري=وابكي تقول الفرح مـادل صاحبهـا!
واشكي الين الحكي يخجل من اسراري=واسكت ولي كلمـةٍ تغـري مخالبهـا
والخوف طبع الأمان وطبعي اخطاري=ماهمنـي راحتـي ماجيـت ابطلبهـا
الجرح شيٍ قديـم وغرسـه ثمـاري=والجود طبع الألم واصـدق حبايبهـا
الغيم في نظرتي والشمـس بافكـاري=وافراحـي اللـي اصدقهـا واكذبهـا
الليل ستر الهموم وبعضهـا عـاري=والصبح دمعة على حظـي وبحجبهـا
وان ثارت الريح باكداري مْن اقداري=وشلون ابجزع ورب الكون كاتبهـا!؟
دام الصبر حيلتي .. دام الصبر ثاري=دام العمـر دنيـةٍ تفنـى كواكبـهـا
ماتشتكي خطوتي من طول مشـواري=وْلاتهتـوي هقوتـي الا عواقبـهـا
قصيدتي وان سبحتي عكـس تيـاري=في لجة اليـم لـي قصـة وابكتبهـا
حْداي نزف القلم وانشـودة اوتـاري=والقلب عزف الحزين اللـي يعذبهـا
،،،،،،،،،،،،،،،،،،،،،،،،،
مالـي ومـال الغـرام اللـي يقولـونـه=سر وجهر ماعرفـت الحـب واشوالـي
ماكـل عشـقٍ ظهـر تطربنـي فنونـه=اللي بـي اكبـر مـن الدنيـا وترحالـي
شـيٍ غريـبٍٍ لـو العالـم يحسـونـه=والله فلا تلـوم حـالٍ لـي علـى حالـي
حملـت هـم الممـات اللـي تناسونـه=ماكـل قبـرٍ خلـي وصاحبـه خـالـي
ماكـان همـي قصيـدٍ تِطـرب لحونـه=ولاكـان همـي سفيـهٍ قـام يبـرالـي
مـدام ظهـري خلـقْـه الله لطعـونـه=نثـرت دم الرضـا لكـفـوف عـذالـي
حكمـت روحٍ تمـوت وطهرهـا دونـه=ولاهوب عـدلٍ يمـوت الغيـر بافعالـي
والدمعـه اللـي تمنـوا لـو يشوفونـه=بدري عليهم وانا اللـي ارعـب ظلالـي
اشوم نفسي ولااطلب من بشر عووووونه=طبعي كـذا لـوّ اذوق الضيـم ماابالـي
يطيح وجـه الرجـا ولاتشكـي متونـه=للحمـل كتـفٍ علـى الشـدات متعالـي
عيبي بيـاض ٍ عجـزت آسـوّد ظنونـه=ماذبذبتنـي همـوم الركْـب ورحـالـي
جفني سمـا ماوطيـت آلارض لعيونـه=ولولا القـدم ماوطيـت الارض ياخالـي
هذا قصيـدي الـى مـن هلّـت مْزونـه=سقيت جـدب الضلـوع وجبـت موالـي
هذي انا لـو يجـور الوقـت مااخونـه=طهـرٍ جنيتـه قبـل لاتنبـت افعـالـي
الله يجـازي عـدوي باصغـر طعونـه=ولاّ العفـو ماكرهـتـه لــو تهيَّـالـي
أناعلـى بـاب ربـي انشـد مـزونـه=عل وعسـى تهطـل الدنيـا وتصفالـي
"هيفاء التميمي"
أبنة القصيم ... وبالتحديد .. رياض الخبراء..
شاعرة ... تكتب بكل صدق وروعهـ .. بـ قصائدها نفحة إيمانيه ..حكمة وعزة نفس ..
مما كُتـب عنها :
.. ( هيفاء قمة هرم نسائي لن يتكرر ) ..
.. ( تعتبر قلم نسائي استثنائي في عالم روعة الكلمة واحتراف الجمال اللغوي والأدبي ) ..
هُـنـا ... دعوة لـقراءة بعضاً من روائــع [ هيفاء ]..
أضاءة أولى :
برغم قراءتي المتأخرة لأشعارهـا ..إلا أنها تستحق المتابعة ..أختفت فجاءة من عالم المنتديات لكن هاهي تعود بقوة
في أحدى المنتديات ...تكتب الشعر للشعر فقط ..
ماكتبت الشعر لجل ارضي به احدٍ بالبرايا=وْلاتمنيت اشتهر به ولاغدا عندي مـرام
والحقيقه .. الحقيقه ركعتين وقول آيـه=تسوى عندي هالقصايد والأغاني والهيام
،،،،،،،،،،،،،،،،،،،،،،،،،
عسى كل القصيد اللي شهد بان الوفا موجود=يموت ويتبعه كل من ينافي فعلـه اشعـاره
تصورت الشعر منحة وقلت ابذل بليّا حـدود=تميميٍ فتـح صـدره قبـل لا تنغلـق داره
أدونْه ويئن الطرس من حِر الحبـر ملهـود=يشح ومايجود الا بعـذابٍ تِحصَـد ثمـاره
إذا ماينحدر دمعي ومناديلي عليـه شهـود=فـلا والله يشجينـي ولاتطربنـي اوتـاره
كتبته قبْل تدميني رْمـاح الغـدْر والبـارود=كتبته والشعر أسمى مْن التزويـر واوزاره
كتبته مادريت انه غدا حتفي وْلا بـه فـود=كتبته والمدى خيلٍ يفل السـرج مضمـاره
رحل بي مارحم حالي وركْب الخافق المقرود=تعدتْه القوافـل ليـن عـوّد يبكـي ادبـاره
مصيبه لاخذت لب اتزاني لحظتيـن شـرود=وجاوزت بخيالي واقْـع العقّـال واسـواره
وتخيلت المدىأبيض ولابه جاحد ومجحـود=ولابه خاين ولابه غريبٍ عن ثـرى ديـاره
كأن اللي خلق هيفا جعل مَعْه الحزن مولـود=إلهٍ لااعتراض بْمـا كتبْـه وهـذي اقـداره
انا ماقد لحقت اللي ابيه وحظـي المطـرود=سرابٍ لاح لاشباهي وهي تروى مْن انهاره
،،،،،،،،،،،،،،،،،،،،،،،،،،
والله اني اشوف الجرح يومض وميـض=وارفع ايدين باسـي طيـب ماهـو ردى
آقف بوجه همـي ليـن همّـي يفيـض=وان تباطى قطعـت دروب ياسـي عِـدا
ضاقت آلارض وش جاب السما للحضيض=واجدب القلب مهمـا دوح وجـدي شِـدا
ماتفيـد آلاطبـا دام حـظـي مـريـض=ولاتـرد المدامـع مامضـى لـي سِـدى
أستفـز القوافـي بالجـروح تْحَرِيـض=واقبِل وكل مااقفـت ولولـت بـي حِـدا
طِيبِة ٍ مع لعانـه وش جمـع هالنقيـض=راح عمري وانـا اللـي ماهقيتـه بـدا
وين الد المحاجر؟ حد جرحـي عريـض=من شمال ويمين ودمعتـي لـه صـدى
كل ماجيت ابنسى هاض بـي مايهيـض=آتصبّـر ومثلـي مالصـبـره جــدى
،،،،،،،،،،،،،،،،،،،،
يُمَّه متى كان الطموح دفوف وقيان وزفـاف !=أو طرحةٍ معها تظنين الزمـن صـار بيـدي؟
يُمَّه همومي ماتخاف الله وْلـو انْهـا تخـاف=ماغيَّبت روحي ورا ليل الرحيـل السرمـدي
ياميمتي ماهيب انا اللي ترتضي غير العفـاف=ولا هيب انا اللي لاارتدوا ثوب الخطية ترتدي
رضيت باسمال الزمن واردى محاصيل الجفاف=وْلاقد عتبت الا على حظٍ مـن اسبابـي ردي
شكيت؟..!..لا..ماقد شكيت وْزينْة الدنيا كِفاف=وْ لاقد ثأرت لطيبتي وْ لاقد عذلـت المعتـدي
بنعيش مره وش يهم..عشنا رغد ولاّ عجاف=وشوله الهث والقضا يسري بطا..ولا عـدي
يُمَّه تعالي لملمي وجـدٍ تبعثـر بـه زعـاف=سمٍ تجرعته رضـا حتـى هجانـي مرقـدي
يُمَّه تعودت الكـدر يامـاااااا تدثرتـه لحـاف=وياما سألت وسادتي عن اخر علـوم الجـدي
رجمٍ تخيلت القـدم فوقـه تعلـت والضفـاف=اثري هويت مْن العمى واثر المدامـع تقتـدي
،،،،،،،،،،،،،،،،،،،،،،،،
الهم مثْل الجـداول بالحشـا جـاري=وعيوني اللي وفـي المـوق يغلبهـا
ليه الخلايق تمووووت وتسبراغواري=ليه الحزن والجمود اللـي يجاوبهـا!
عشرين مع ست ياناشد عن اخبـاري=وسـادي الضيـم ولحافـي متاعبهـا
أشعل فتيل الألم واصبر علـى نـاري=يافزعة الريح ليـن ارسـل هبايبهـا
أضحك تقول البكـا ماينـزل بـداري=وابكي تقول الفرح مـادل صاحبهـا!
واشكي الين الحكي يخجل من اسراري=واسكت ولي كلمـةٍ تغـري مخالبهـا
والخوف طبع الأمان وطبعي اخطاري=ماهمنـي راحتـي ماجيـت ابطلبهـا
الجرح شيٍ قديـم وغرسـه ثمـاري=والجود طبع الألم واصـدق حبايبهـا
الغيم في نظرتي والشمـس بافكـاري=وافراحـي اللـي اصدقهـا واكذبهـا
الليل ستر الهموم وبعضهـا عـاري=والصبح دمعة على حظـي وبحجبهـا
وان ثارت الريح باكداري مْن اقداري=وشلون ابجزع ورب الكون كاتبهـا!؟
دام الصبر حيلتي .. دام الصبر ثاري=دام العمـر دنيـةٍ تفنـى كواكبـهـا
ماتشتكي خطوتي من طول مشـواري=وْلاتهتـوي هقوتـي الا عواقبـهـا
قصيدتي وان سبحتي عكـس تيـاري=في لجة اليـم لـي قصـة وابكتبهـا
حْداي نزف القلم وانشـودة اوتـاري=والقلب عزف الحزين اللـي يعذبهـا
،،،،،،،،،،،،،،،،،،،،،،،،،
مالـي ومـال الغـرام اللـي يقولـونـه=سر وجهر ماعرفـت الحـب واشوالـي
ماكـل عشـقٍ ظهـر تطربنـي فنونـه=اللي بـي اكبـر مـن الدنيـا وترحالـي
شـيٍ غريـبٍٍ لـو العالـم يحسـونـه=والله فلا تلـوم حـالٍ لـي علـى حالـي
حملـت هـم الممـات اللـي تناسونـه=ماكـل قبـرٍ خلـي وصاحبـه خـالـي
ماكـان همـي قصيـدٍ تِطـرب لحونـه=ولاكـان همـي سفيـهٍ قـام يبـرالـي
مـدام ظهـري خلـقْـه الله لطعـونـه=نثـرت دم الرضـا لكـفـوف عـذالـي
حكمـت روحٍ تمـوت وطهرهـا دونـه=ولاهوب عـدلٍ يمـوت الغيـر بافعالـي
والدمعـه اللـي تمنـوا لـو يشوفونـه=بدري عليهم وانا اللـي ارعـب ظلالـي
اشوم نفسي ولااطلب من بشر عووووونه=طبعي كـذا لـوّ اذوق الضيـم ماابالـي
يطيح وجـه الرجـا ولاتشكـي متونـه=للحمـل كتـفٍ علـى الشـدات متعالـي
عيبي بيـاض ٍ عجـزت آسـوّد ظنونـه=ماذبذبتنـي همـوم الركْـب ورحـالـي
جفني سمـا ماوطيـت آلارض لعيونـه=ولولا القـدم ماوطيـت الارض ياخالـي
هذا قصيـدي الـى مـن هلّـت مْزونـه=سقيت جـدب الضلـوع وجبـت موالـي
هذي انا لـو يجـور الوقـت مااخونـه=طهـرٍ جنيتـه قبـل لاتنبـت افعـالـي
الله يجـازي عـدوي باصغـر طعونـه=ولاّ العفـو ماكرهـتـه لــو تهيَّـالـي
أناعلـى بـاب ربـي انشـد مـزونـه=عل وعسـى تهطـل الدنيـا وتصفالـي