الــٍ عٍ ــٍزوٍفٍ
05-19-2008, 06:28 AM
http://alhwimani.com/vb/uploaded/79_1211155530.jpg http://alhwimani.com/vb/uploaded/79_1211155530.jpg http://alhwimani.com/vb/uploaded/79_1211155530.jpg http://alhwimani.com/vb/uploaded/79_1211155530.jpg
هو فهـــد عافت وكفى
فتنة الحفل
فتنـة الحفـل زيـدي مشيتـك بختـره=كل خطوة بروق وكـل نفحـه صهيـل
باقـي بيـن عقلـي والجنـون شعـره=اقطعيها ياشينه عاشـقٍ .. مـو هبيـل
خلي الارض تاخذ شكـل غيـر الكـره=خلي النار تاخـذ رمـز غيـر الفتيـل
من غدى الليل شعرك قلت انا بسهـره=ومن غدى الصبح وجهك قلت مالي مقيل
ارقصـي بيـن حـد الذنـب والمغفـره=ارحلي في سكونك واسكني في الرحيـل
ارجفي كنـك المـا.. فززتـه حجـره=واثبتـي كنـك الفضـه بعيـن البخيـل
وانحني مثل غصن فـي طرفـه ثمـره=واوقفي مثـل فزعـات بـدوي اصيـل
والفحـي علمينـا كيـف تقـدر مـره=تزرع الليل صبح .. وتزرع الصبح ليـل
فـي عيونـك سـواد يستحيـل اخـره=كامن ٍفي بيـاض ٍ .. اولـه يستحيـل
واحـد تخزريـن ومـا يجيـك خبـره=اشهد انه عزيـز واشهـد انـه ذليـل
اتركي العقـد بيـن الجـد والغشمـره=يخبر الناس وش معنى جميل في جميـل
كن في الصدر ظبـي عيوننـا تذعـرة=ينتفض يذعـر الـي مذعرينـه قبيـل
ومفرق الصدر حبـة العـرق تجهـرة=كن لك عقد در وعقـد مـن سلسبيـل
بينهم حسـد ربـي بعـد مـا صـوره=عقـد وده يجـف وعقـد وده يسـيـل
آآه ولا لمحـتـك مقبـلـه مـدبـره=شفـت مثلـي نحيـل زم حمـل ثقيـل
دام ذا عجـز وش للنـاس بالمـقـدره=دام ذا خصر وش لـي بالخواتـم بديـل
وسط ثوب ٍ خيوطه صمت فـي ثرثـره=به قليـل ٍ كثيـر.. وبـه كثيـر قليـل
كل شـيء بجسمـك يفضحـه يستـره=فيه فتنه قصير وفيـه حشمـت طويـل
كنـه المخطـي الـي يطلـب المعـذره=وكنه الدامح الزلـه عـن الـي يعيـل
فـي ردونـه نقـوش لـه سنابـل ذره=الله اعلم لـو ان الريـح هبـت تميـل
كل شـيء ونقيضـه فيـك بالمسطـره=اقرب من النفس وابعد مـن المستحيـل
كنـك الكـذب لكـن مـاحـد ينـكـره=وكنك الصدق لكن مافـي يدينـا دليـل
باشت الغيـد زيـدي مشيتـك بختـره=لاجل اطاول بحرفي شامخـات النخيـل
شاعـر تلمـس ايدينـك علـى دفتـره=تغرق في اوسط اوزانه بحـور الخليـل
http://www.nshj.com/up-pic/uploads/f73f25092a.gif
لاياعلي
ياعلي لاالشعـر عبـدي ولا هـو سيـدي=صاحبي له من جنوني ولي مـن منطقـه
مايخون الطيش والملـح ياكـود الـردي=له علي ان ماسبقني على الطيـب اسبقه
والله اني من عرفته وانا ابشـر بسعـدي=كل حـزنٍ يفتـح ابـواب حسـنٍ مغلقـه
والله انـي ماذخـرت لمعانيـه جـهـدي=ذمنـي ولا مدحنـي مـن يقـول سرقـه
اعشق من الشعر كلـه عيونـي ورمـدي=واعشق من الكل بعضي اذا الصمت انطقه
واعشق من الليل الاظلم وأشوف السرمدي=قـدر قـرمٍ بيـض الله وجهـه بصنقـه
واعشق من الصبح الأكسل نسيم وفي يـدي=دفترٍ يهـدي العصافيـر لحظـه مورقـه
وأعشق من الصحبه أم البساط الأحمـدي=لاتهيّت وأعشق من العسـل طلبـة ذقـه
وأعشق من الوقت وقتي لابوي ولاولدي=وأعشق من الناس كلٍ علـى قـد اعرقـه
ياعلي والشعـر عبـدي وعبـدي سيـدي=أعمق الشعر أبسط الشعر وأبسطه أعمقـه
في الحنايا خيـل ترمـح وخيـال يحـدي=وفي المرايا ألف بحـر يتلعثـم بأزرقـه
ياكثر ما اذكر من الناس لاصرت وحـدي=من نسونـي ونسونـي بكـذبٍ مصدقـه
كل وعد لي مـع اللـي يخونـون وعـدي=يالبناخي بعض طيب أقهره باللـي خلقـه
لـو تهيـا للطـريـا سـويـا مـاغـدي=مزبـن الذهيـب ممـراح خاينـت الثقـه
يقنب النسيان الأمعـط بروحـي ويعـدي=كل ليلـه فـي فياضـي والا الله يرزقـه
السهر ، ماهـو بهـذا السهـر لايابعـدي=السهر شفنـي تعرفـه وشفنـي تزهقـه
كل جفنٍ من جفوني غدى بيـت أجـودي=لاتقظـب فيـه عبـدٍ مـن الليـل أعتقـه
ليت لي قدره على الثـار تكفـا ياسنـدي=من حبيبٍ طشـر القلـب مليـون ورقـه
مارماني خطرتـن لجـل يرضينـي ودي=نيشـن الفرقـا هنيّـا تمـركـا بنـدقـه
وانتهى مستسهل سهيـل يستجـدي الجـدي=مابقـى غيـر اليبـاس بعيـون مغورقـه
كم تكحل عاذلي وانعمـى مـن مـرودي=يـوم قـال العيـن بالعيـن مالله وفـقـه
قلـت والله دام قفـى وظليـت وحــدي=لاتركه في داخـل القلـب محـدن بشنقـه
ياعلي كلـي نهايـات مـن ويـن ابتـدي=ياعلي كلـه بدايـات مـن ويـن اعشقـه
له عيون ولـي ضلالـي بهـا لين أهتـدي=ولي عيون وله علي البكـا ليـن اغرقـه
http://www.nshj.com/up-pic/uploads/f73f25092a.gif
الليل موحش غريب وحيّة رقطا وديجور=والليل طيب ودفا واخت تمازحني ونوّار
ساعات احس ان هذا الليل : نبش عظام وقبور=وساعات احسّه : فرح بنت برسالة حب واسرار
كم ليلة كان فيها الليل : عبد .. رطب .. محفور=وكم ليلة كان فيها الليل : ((جيفارا )) وثوار
يا ما تكدس .. وهو يشتم (( عيال الكلـ.. )) مخمور=وياما (( تسندس )) .. وفاح اللون الأخضر وأربك الدار !!
له ألف مليون صيغه .. في يديه النار والنور=وهو شيئ ثالث .. بعيد عن انفلات النور والنار
يا ليلة .. ليلها زرنيخ منفي يابس .. بور=لي ليلة كان حضن أم .. وثلاثة أيتام وصغار
ليل اتشمشم به اللي مر ..نكهة خبز تنّور =وليل اتجشم به اهوالي لحالي .. واصبح كثار
انا اصدق الناس .. واعدلهم .. وانا البهتان والزور !=يا قطعة النّرد .. شوفي وش بقى لي .. بي .. من اعذار !
في داخلي قصة غياب غريب يشعل حضور =هذا اليباس بعروقي .. يلعن ام الوقت ..لا ..جار
غاب الطفل ، قلت طيّب .. غاب بعد الطفل عصفور !=طيّب .. وغاب الثمر .. طيّب .. وغابت كل الأشجار
غابوا محبين .. طيّب .. غبت أنا طيّب .. بكت دور=طيّب وبعدين يا طيّب ؟! .. وش اللي ظل ما صار ؟
تبسمت لي مرة .. قالت تعال .. وطاش بلّلور=بالحكمة اللي تضاحكنا عليها دمع وغبار
.
.
ما دام دنيا .. وترفعها قرون السيّد الثور=وش يزعل العاقل ان نادى عليه حمار : يا حمار ؟
http://www.nshj.com/up-pic/uploads/f73f25092a.gif
غنى المغني
غنى المغني ودار الرقص في الحفله=والضي شعشع وضج الطار بالعالي
وانا اسرق الشوف لعيونه على غفله=وادور اوصاف تحلابه وتحلالي
صارت حروفي معه ريمية جفله=لكني امسكت بالمعنى على التالي
اصدق من الجوع واطهر من بكا طفله=واهدى من الليل وادفا من عتب غالي
له في الحنايا عصافير ترفرف له=ليت المغني يمول له بموالي
واصابعي من لظى شوقي تكاتف له=يفرك بعضها بعض واصيح عزالي
وانا ادري ان الذي جنبه يسولف له=عني وهو يبتسم ويقول : انا مالي
كيف انت مالك وانا ماجيت للحفة ؟!=الا علشان اشوفك يابعد حالي
http://www.nshj.com/up-pic/uploads/f73f25092a.gif
احيان احس ان انا غمازتين وسنا=لبنية سيلتها حشمة زايده
واحيان احس ان انا موسم حصاد وجنا=في قرية نايده في بلدة نايده
واحيان احس النفل بعضي يمر الغنا=راعي غنم يحطب من ضلوعي البايده
واحيان احس ان انا ويا الهبوب تننا=للغصن نلبس ثياب الصبح ونعايده
واحيان ..واحيان احس ان الضبا بي هنا=واليا تحركت اخاف اذير القايده
واحيان اوقف عدوي واسأله اينا=بنا انا..وايني بك جمرة قاديه
في صوت فيروز انا الصفصاف والميجنا=وانا مع حجاب شرق وطايره عايده
كلي من احيان من أشيا بسيطه بنا=تمر في صمت واستسلام ومحايده
أحرث من الداخل اقصاها هدام وبنا=لغاية الارض ماتصبح بنا مايده
وانا اكتب الشعر لي أو لي ولك أو لنا=كذا بلا ايدلوجيات ومزايده
الشاعر اللي من الخارج عذاب وضنا=في داخله همت المتمنعه رايده
الشاعر اللي مثل شمع نحيل فنا=حقيقته شمس تستلقي على المايده
اياك ترثين لي ..أو تحسبين ان انا=غالطت نفسي بلا داعي ولافايده
ماهو صحيح ان انا اباعدت عما دنا=فقط لأني أحب الوعر والكايده
http://www.nshj.com/up-pic/uploads/f73f25092a.gif
النظره السمحه
قالت وش العلقم الترياق؟=محدٍ ضماده سوى جرحه
كل اللقا لو نظرت فراق=وكل البكا من ورا فرحة
محدٍ ربح كود لما باق=محدٍ خسر كود من ربحه
مابه خلوق وعديم أخلاق=للكل نسبة من الصحة
يا شاعري والوهم حرّاق=أجدى من مصافحة ذبحه
خذها حقيقة من الاعماق=صدرك هو اللي طعن رمحه
مافي الكتابه جديد آفاق=كم تشبه الكسرة الفتحة
قلت اسمعيني وصوتي تاق=يجمع لك الكل في شرحه
ان قلت بعض الفراق عناق=أو قلت بعض الكفن طرحه
لاني بكاذب ولا آفاق=لكنها النظرة السمحه
أكبر خطا اننا نستاق=تعريف للبحر من ملحه
ان تتبعيني..أنا أوراق=أو تهجريني..أنا صفحه
للشعر ..للحب .. للاشواق=لليل في داخله صبحه
بيني وبين القلم ميثاق=يهدّني..وأبني في صرحه
ذي راحتي وإسألي العشاق=العاشق كتابته مسحه
http://www.nshj.com/up-pic/uploads/f73f25092a.gif
الطنايا
ياربعنـا مايعتـذر كـود غلـطـان=وانا عجزت القى خطا فـي خطايـا
ان كان قلـتـوا ماتـعـوذت شيـطـان=نفسي لانـي شفـت سـود النوايـا
قدامكم ربـي بلانـي بمـن شـان=فعله معي لين اظلمـت بـي سمايـا
زل وكتمـت .. وزل وازددت كتمـان=وازداد فـي غيـه وجانـي بلايـا
اعطيته الصافي من العلـم خلصـان=من غير ما اسال من معـاه ومعايـا
وان كان هو من رشفة ابليس سكران=سكران انـا بغبـار خيـل الطنايـا
عاداتها تقبـل تقـل مالهـا ارسـان=وعاداتنـا نهـدي ضحانـا ضحايـا
من مثل شمر علقوا يـوم الاكـوان=ارواحهـم عقـد بجـيـد المنـايـا
حنا الضياغـم والزقاريـط نيشـان=فـي جبهتـي زاد المزايـا مزايـا
وانا ولد عافـت سلايـل كحيـلان=على اسم جدي والاسامـي وصايـا
ياشين يوم الطيـب نجـر وضيفـان=منـا العطايـا تستـمـد العطـايـا
ياشين يـوم العـز خيـل وفرسـان=ربعي عصا موسى وربعـك حيايـا
ويومك قنعت بسقف واهي وجدران=الضيغمي للشمـس حـث المطايـا
لاانته بجنبي طيب اوعـز او شـان=ولاانته بقدامـي ولا انـت بورايـا
الله بلانـي بـك ولانـي ببلـشـان=لاشـك ودي ينطحـونـي قـوايـا
http://www.nshj.com/up-pic/uploads/f73f25092a.gif
مريم
مريم وتضحك يرق الما ويصفالي زماني=والمكان يطيب والرمـان يتكـدّس هنيـا
قلت رحلتنا تبي سكـر وترنيمـة أغانـي=جاوبت هات الأغاني وأترك السكر عليـا
من شفايفها صباح الخير شكل وطعم ثاني=آه لو تدري وش اتسوي صباح الخير فيـا
تاخذ الما من يديه توصله شـط الأمانـي=واهنيي كل مامريـم خذتنـي مـن يديـا
أذكـر أول ماتلاقينـا تسمّـرت بمكانـي=حاولت عيني تشوف الدرب مير القلب عيا
الحلا فيها من أقصاها ولا للزيـن دانـي=كل مافيها خلقـه الله مـن طلعـة محيـا
كل ماعز الطلب عندي وقالت لي عشاني=قلت من هذي قبل هذي وجابتنـي حميـا
قبلها ماطاعت اقدامي طريق الا عصانـي=بعدها ماظل حلم أخضر بصدري ماتهيـا
http://www.nshj.com/up-pic/uploads/f73f25092a.gif
هب الكرز
هب الكرز واستجمع الفل فله=ياكيف انا ماقول للشعر لبيه
حزن مثل شباك صبح تبله=قطرة ندى تزحلقت كنها ايه
بشفاه عاشق ساهي واستغله=خبيث باسم اللي ذبحه بتغليه
ياسيدي لاحزانك المسفهله=سحاب وانت تظلله وانت تسقيه
اوميت لي وانا الغريب الموله=ورديت لك وانت العجيب بمعانيه
كنك تعرف ان الشعر فيه خله=لاهي على وزنه ولا في قوافيه
اردى الشعر قول يجيك بمحله =واحلى الشعر قول محله يجي فيه
ويش الدرر ياصاحبي غير عله=في صدر محار الحصى حيل موذيه
نحزن وفينا يلتقون الادله=لامن بغوا للعيد طفل يبكيه
ياما كثير اشيا ممله .. ممله=وبالشعر يلقى الادمي مايسليه
لولا الصبر كيف الاهل والاهله=ولولا الشعر كيف العتب والمشاريه
والناس فيها من عزومه تتله =وتوصله فوق العليا وتعطيه
والناس ياما في الخلايق جبله =ياكل ويلتم الرخم في علابيه
لو بروزوا له صورته في المجله =الناس تدري عن علوم المسافيه
وانت الكريم اللي حجاجه يفله =ماعنده الا ابشر بمطلبك ياهيه
وانت الشجاع اللي سيوفه تسله=والفيلسوف اللي انتهى في مباديه
هب الكرز واستجمع الفل فله=لبيه ..ثم لبيه ..ثم الف لبيه
http://www.nshj.com/up-pic/uploads/f73f25092a.gif
هينه
هينه دام هي هـذي فهـي هينـه=والله اني حسبت العاقبـه عاقبـه
عاد تدري هي من أول وهي بينـه=شوفها مايبـي لـه نظـرة ثاقبـه
بنت ستين كلب وزفـت ومطينـه=قصة النجم والخبل الـذي راقبـه
مابعد شفت من همي سوى عينه=كيف أجل لو همومي جتك متعاقبه
جيتك بغصن طيب زهرتـه لينـه=كيف لو ييبس وتصفر الأوراق به
من رجا خير في شرواك ماعينـه=لاأنت سباق طيب ولاأنت لحاق به
مومس الوقت لو صلت ماهي دينه=يعرف البير واللي فيه ومن واق به
لا تحلف اليمين .. ولا نبي بينـه=فارق الصدر يالسر الذي ضاق به
كل شخص له من الـذل مافينـه=وكل شخص له من العز مالاق به
زين اللي تبي واللي تبـي شينـه=ماانت حول الطنايا لحيتك عاقبـه
http://www.nshj.com/up-pic/uploads/f73f25092a.gif
هدوء الارض
سلامي ياهدوء الأرض هذا أول الإعصار=توحدت بجراحي والمدى وجهي وآياتي
تشربت الهموم وبعض حلم في عيون صغار=وسميت الفضى جلدي وسميت الشجر ذاتي
لذا يممت وجهي عكس وجه الريح والتيار=نعم مادام ذيب الوقت عمدا مطلبه شاتي
رميتك ياحطب ذكراي في برد المسافة نار=وشفتك ياحطب تخلص وأنا بأول مسافاتي
رمادك في يدي شلته سؤال وشوكة استفسار=يجدد بي حريقة وأشتعل تولد بداياتي
وكملت الطريق بحلم باكر تنبت الأشجار=على أرض تسميها احتضاراتي حضاراتي
وباكر أضرب برجلي الصحاري تنفجر أنهار=وأشق البحر بعصا من غصن آهاتي
أقول مسامحك ياللي رفض يدخل معي في الغار=وأقول مسامحك ياعنكبوت عد خطواتي
بعدها يرجع العشق القديم لجمرة الأسفار=وأيمم وجهتي ومن ثاني أفرش مصلاتي
أنا وش أطلبك خلاص ماعاد بي أعذار=ألا ياسمعي أجمل دروبي درب زلاتي
كتبت اللي كتبت ولا قصدت ألفت لي الأنظار=ولكن قصدت ألفت لجوع الناس نظراتي
وأنا عامد أوضح شي وأترك شي خلق استار=ولا أقعد ليلة إلا وأغير قاع مرساتي
وأنا شفت الجمال يكون أجمل لو عليه أغبار=لذا لف الغموض أوراق لفتها كتاباتي
http://www.nshj.com/up-pic/uploads/f73f25092a.gif
هو فهـــد عافت وكفى
فتنة الحفل
فتنـة الحفـل زيـدي مشيتـك بختـره=كل خطوة بروق وكـل نفحـه صهيـل
باقـي بيـن عقلـي والجنـون شعـره=اقطعيها ياشينه عاشـقٍ .. مـو هبيـل
خلي الارض تاخذ شكـل غيـر الكـره=خلي النار تاخـذ رمـز غيـر الفتيـل
من غدى الليل شعرك قلت انا بسهـره=ومن غدى الصبح وجهك قلت مالي مقيل
ارقصـي بيـن حـد الذنـب والمغفـره=ارحلي في سكونك واسكني في الرحيـل
ارجفي كنـك المـا.. فززتـه حجـره=واثبتـي كنـك الفضـه بعيـن البخيـل
وانحني مثل غصن فـي طرفـه ثمـره=واوقفي مثـل فزعـات بـدوي اصيـل
والفحـي علمينـا كيـف تقـدر مـره=تزرع الليل صبح .. وتزرع الصبح ليـل
فـي عيونـك سـواد يستحيـل اخـره=كامن ٍفي بيـاض ٍ .. اولـه يستحيـل
واحـد تخزريـن ومـا يجيـك خبـره=اشهد انه عزيـز واشهـد انـه ذليـل
اتركي العقـد بيـن الجـد والغشمـره=يخبر الناس وش معنى جميل في جميـل
كن في الصدر ظبـي عيوننـا تذعـرة=ينتفض يذعـر الـي مذعرينـه قبيـل
ومفرق الصدر حبـة العـرق تجهـرة=كن لك عقد در وعقـد مـن سلسبيـل
بينهم حسـد ربـي بعـد مـا صـوره=عقـد وده يجـف وعقـد وده يسـيـل
آآه ولا لمحـتـك مقبـلـه مـدبـره=شفـت مثلـي نحيـل زم حمـل ثقيـل
دام ذا عجـز وش للنـاس بالمـقـدره=دام ذا خصر وش لـي بالخواتـم بديـل
وسط ثوب ٍ خيوطه صمت فـي ثرثـره=به قليـل ٍ كثيـر.. وبـه كثيـر قليـل
كل شـيء بجسمـك يفضحـه يستـره=فيه فتنه قصير وفيـه حشمـت طويـل
كنـه المخطـي الـي يطلـب المعـذره=وكنه الدامح الزلـه عـن الـي يعيـل
فـي ردونـه نقـوش لـه سنابـل ذره=الله اعلم لـو ان الريـح هبـت تميـل
كل شـيء ونقيضـه فيـك بالمسطـره=اقرب من النفس وابعد مـن المستحيـل
كنـك الكـذب لكـن مـاحـد ينـكـره=وكنك الصدق لكن مافـي يدينـا دليـل
باشت الغيـد زيـدي مشيتـك بختـره=لاجل اطاول بحرفي شامخـات النخيـل
شاعـر تلمـس ايدينـك علـى دفتـره=تغرق في اوسط اوزانه بحـور الخليـل
http://www.nshj.com/up-pic/uploads/f73f25092a.gif
لاياعلي
ياعلي لاالشعـر عبـدي ولا هـو سيـدي=صاحبي له من جنوني ولي مـن منطقـه
مايخون الطيش والملـح ياكـود الـردي=له علي ان ماسبقني على الطيـب اسبقه
والله اني من عرفته وانا ابشـر بسعـدي=كل حـزنٍ يفتـح ابـواب حسـنٍ مغلقـه
والله انـي ماذخـرت لمعانيـه جـهـدي=ذمنـي ولا مدحنـي مـن يقـول سرقـه
اعشق من الشعر كلـه عيونـي ورمـدي=واعشق من الكل بعضي اذا الصمت انطقه
واعشق من الليل الاظلم وأشوف السرمدي=قـدر قـرمٍ بيـض الله وجهـه بصنقـه
واعشق من الصبح الأكسل نسيم وفي يـدي=دفترٍ يهـدي العصافيـر لحظـه مورقـه
وأعشق من الصحبه أم البساط الأحمـدي=لاتهيّت وأعشق من العسـل طلبـة ذقـه
وأعشق من الوقت وقتي لابوي ولاولدي=وأعشق من الناس كلٍ علـى قـد اعرقـه
ياعلي والشعـر عبـدي وعبـدي سيـدي=أعمق الشعر أبسط الشعر وأبسطه أعمقـه
في الحنايا خيـل ترمـح وخيـال يحـدي=وفي المرايا ألف بحـر يتلعثـم بأزرقـه
ياكثر ما اذكر من الناس لاصرت وحـدي=من نسونـي ونسونـي بكـذبٍ مصدقـه
كل وعد لي مـع اللـي يخونـون وعـدي=يالبناخي بعض طيب أقهره باللـي خلقـه
لـو تهيـا للطـريـا سـويـا مـاغـدي=مزبـن الذهيـب ممـراح خاينـت الثقـه
يقنب النسيان الأمعـط بروحـي ويعـدي=كل ليلـه فـي فياضـي والا الله يرزقـه
السهر ، ماهـو بهـذا السهـر لايابعـدي=السهر شفنـي تعرفـه وشفنـي تزهقـه
كل جفنٍ من جفوني غدى بيـت أجـودي=لاتقظـب فيـه عبـدٍ مـن الليـل أعتقـه
ليت لي قدره على الثـار تكفـا ياسنـدي=من حبيبٍ طشـر القلـب مليـون ورقـه
مارماني خطرتـن لجـل يرضينـي ودي=نيشـن الفرقـا هنيّـا تمـركـا بنـدقـه
وانتهى مستسهل سهيـل يستجـدي الجـدي=مابقـى غيـر اليبـاس بعيـون مغورقـه
كم تكحل عاذلي وانعمـى مـن مـرودي=يـوم قـال العيـن بالعيـن مالله وفـقـه
قلـت والله دام قفـى وظليـت وحــدي=لاتركه في داخـل القلـب محـدن بشنقـه
ياعلي كلـي نهايـات مـن ويـن ابتـدي=ياعلي كلـه بدايـات مـن ويـن اعشقـه
له عيون ولـي ضلالـي بهـا لين أهتـدي=ولي عيون وله علي البكـا ليـن اغرقـه
http://www.nshj.com/up-pic/uploads/f73f25092a.gif
الليل موحش غريب وحيّة رقطا وديجور=والليل طيب ودفا واخت تمازحني ونوّار
ساعات احس ان هذا الليل : نبش عظام وقبور=وساعات احسّه : فرح بنت برسالة حب واسرار
كم ليلة كان فيها الليل : عبد .. رطب .. محفور=وكم ليلة كان فيها الليل : ((جيفارا )) وثوار
يا ما تكدس .. وهو يشتم (( عيال الكلـ.. )) مخمور=وياما (( تسندس )) .. وفاح اللون الأخضر وأربك الدار !!
له ألف مليون صيغه .. في يديه النار والنور=وهو شيئ ثالث .. بعيد عن انفلات النور والنار
يا ليلة .. ليلها زرنيخ منفي يابس .. بور=لي ليلة كان حضن أم .. وثلاثة أيتام وصغار
ليل اتشمشم به اللي مر ..نكهة خبز تنّور =وليل اتجشم به اهوالي لحالي .. واصبح كثار
انا اصدق الناس .. واعدلهم .. وانا البهتان والزور !=يا قطعة النّرد .. شوفي وش بقى لي .. بي .. من اعذار !
في داخلي قصة غياب غريب يشعل حضور =هذا اليباس بعروقي .. يلعن ام الوقت ..لا ..جار
غاب الطفل ، قلت طيّب .. غاب بعد الطفل عصفور !=طيّب .. وغاب الثمر .. طيّب .. وغابت كل الأشجار
غابوا محبين .. طيّب .. غبت أنا طيّب .. بكت دور=طيّب وبعدين يا طيّب ؟! .. وش اللي ظل ما صار ؟
تبسمت لي مرة .. قالت تعال .. وطاش بلّلور=بالحكمة اللي تضاحكنا عليها دمع وغبار
.
.
ما دام دنيا .. وترفعها قرون السيّد الثور=وش يزعل العاقل ان نادى عليه حمار : يا حمار ؟
http://www.nshj.com/up-pic/uploads/f73f25092a.gif
غنى المغني
غنى المغني ودار الرقص في الحفله=والضي شعشع وضج الطار بالعالي
وانا اسرق الشوف لعيونه على غفله=وادور اوصاف تحلابه وتحلالي
صارت حروفي معه ريمية جفله=لكني امسكت بالمعنى على التالي
اصدق من الجوع واطهر من بكا طفله=واهدى من الليل وادفا من عتب غالي
له في الحنايا عصافير ترفرف له=ليت المغني يمول له بموالي
واصابعي من لظى شوقي تكاتف له=يفرك بعضها بعض واصيح عزالي
وانا ادري ان الذي جنبه يسولف له=عني وهو يبتسم ويقول : انا مالي
كيف انت مالك وانا ماجيت للحفة ؟!=الا علشان اشوفك يابعد حالي
http://www.nshj.com/up-pic/uploads/f73f25092a.gif
احيان احس ان انا غمازتين وسنا=لبنية سيلتها حشمة زايده
واحيان احس ان انا موسم حصاد وجنا=في قرية نايده في بلدة نايده
واحيان احس النفل بعضي يمر الغنا=راعي غنم يحطب من ضلوعي البايده
واحيان احس ان انا ويا الهبوب تننا=للغصن نلبس ثياب الصبح ونعايده
واحيان ..واحيان احس ان الضبا بي هنا=واليا تحركت اخاف اذير القايده
واحيان اوقف عدوي واسأله اينا=بنا انا..وايني بك جمرة قاديه
في صوت فيروز انا الصفصاف والميجنا=وانا مع حجاب شرق وطايره عايده
كلي من احيان من أشيا بسيطه بنا=تمر في صمت واستسلام ومحايده
أحرث من الداخل اقصاها هدام وبنا=لغاية الارض ماتصبح بنا مايده
وانا اكتب الشعر لي أو لي ولك أو لنا=كذا بلا ايدلوجيات ومزايده
الشاعر اللي من الخارج عذاب وضنا=في داخله همت المتمنعه رايده
الشاعر اللي مثل شمع نحيل فنا=حقيقته شمس تستلقي على المايده
اياك ترثين لي ..أو تحسبين ان انا=غالطت نفسي بلا داعي ولافايده
ماهو صحيح ان انا اباعدت عما دنا=فقط لأني أحب الوعر والكايده
http://www.nshj.com/up-pic/uploads/f73f25092a.gif
النظره السمحه
قالت وش العلقم الترياق؟=محدٍ ضماده سوى جرحه
كل اللقا لو نظرت فراق=وكل البكا من ورا فرحة
محدٍ ربح كود لما باق=محدٍ خسر كود من ربحه
مابه خلوق وعديم أخلاق=للكل نسبة من الصحة
يا شاعري والوهم حرّاق=أجدى من مصافحة ذبحه
خذها حقيقة من الاعماق=صدرك هو اللي طعن رمحه
مافي الكتابه جديد آفاق=كم تشبه الكسرة الفتحة
قلت اسمعيني وصوتي تاق=يجمع لك الكل في شرحه
ان قلت بعض الفراق عناق=أو قلت بعض الكفن طرحه
لاني بكاذب ولا آفاق=لكنها النظرة السمحه
أكبر خطا اننا نستاق=تعريف للبحر من ملحه
ان تتبعيني..أنا أوراق=أو تهجريني..أنا صفحه
للشعر ..للحب .. للاشواق=لليل في داخله صبحه
بيني وبين القلم ميثاق=يهدّني..وأبني في صرحه
ذي راحتي وإسألي العشاق=العاشق كتابته مسحه
http://www.nshj.com/up-pic/uploads/f73f25092a.gif
الطنايا
ياربعنـا مايعتـذر كـود غلـطـان=وانا عجزت القى خطا فـي خطايـا
ان كان قلـتـوا ماتـعـوذت شيـطـان=نفسي لانـي شفـت سـود النوايـا
قدامكم ربـي بلانـي بمـن شـان=فعله معي لين اظلمـت بـي سمايـا
زل وكتمـت .. وزل وازددت كتمـان=وازداد فـي غيـه وجانـي بلايـا
اعطيته الصافي من العلـم خلصـان=من غير ما اسال من معـاه ومعايـا
وان كان هو من رشفة ابليس سكران=سكران انـا بغبـار خيـل الطنايـا
عاداتها تقبـل تقـل مالهـا ارسـان=وعاداتنـا نهـدي ضحانـا ضحايـا
من مثل شمر علقوا يـوم الاكـوان=ارواحهـم عقـد بجـيـد المنـايـا
حنا الضياغـم والزقاريـط نيشـان=فـي جبهتـي زاد المزايـا مزايـا
وانا ولد عافـت سلايـل كحيـلان=على اسم جدي والاسامـي وصايـا
ياشين يوم الطيـب نجـر وضيفـان=منـا العطايـا تستـمـد العطـايـا
ياشين يـوم العـز خيـل وفرسـان=ربعي عصا موسى وربعـك حيايـا
ويومك قنعت بسقف واهي وجدران=الضيغمي للشمـس حـث المطايـا
لاانته بجنبي طيب اوعـز او شـان=ولاانته بقدامـي ولا انـت بورايـا
الله بلانـي بـك ولانـي ببلـشـان=لاشـك ودي ينطحـونـي قـوايـا
http://www.nshj.com/up-pic/uploads/f73f25092a.gif
مريم
مريم وتضحك يرق الما ويصفالي زماني=والمكان يطيب والرمـان يتكـدّس هنيـا
قلت رحلتنا تبي سكـر وترنيمـة أغانـي=جاوبت هات الأغاني وأترك السكر عليـا
من شفايفها صباح الخير شكل وطعم ثاني=آه لو تدري وش اتسوي صباح الخير فيـا
تاخذ الما من يديه توصله شـط الأمانـي=واهنيي كل مامريـم خذتنـي مـن يديـا
أذكـر أول ماتلاقينـا تسمّـرت بمكانـي=حاولت عيني تشوف الدرب مير القلب عيا
الحلا فيها من أقصاها ولا للزيـن دانـي=كل مافيها خلقـه الله مـن طلعـة محيـا
كل ماعز الطلب عندي وقالت لي عشاني=قلت من هذي قبل هذي وجابتنـي حميـا
قبلها ماطاعت اقدامي طريق الا عصانـي=بعدها ماظل حلم أخضر بصدري ماتهيـا
http://www.nshj.com/up-pic/uploads/f73f25092a.gif
هب الكرز
هب الكرز واستجمع الفل فله=ياكيف انا ماقول للشعر لبيه
حزن مثل شباك صبح تبله=قطرة ندى تزحلقت كنها ايه
بشفاه عاشق ساهي واستغله=خبيث باسم اللي ذبحه بتغليه
ياسيدي لاحزانك المسفهله=سحاب وانت تظلله وانت تسقيه
اوميت لي وانا الغريب الموله=ورديت لك وانت العجيب بمعانيه
كنك تعرف ان الشعر فيه خله=لاهي على وزنه ولا في قوافيه
اردى الشعر قول يجيك بمحله =واحلى الشعر قول محله يجي فيه
ويش الدرر ياصاحبي غير عله=في صدر محار الحصى حيل موذيه
نحزن وفينا يلتقون الادله=لامن بغوا للعيد طفل يبكيه
ياما كثير اشيا ممله .. ممله=وبالشعر يلقى الادمي مايسليه
لولا الصبر كيف الاهل والاهله=ولولا الشعر كيف العتب والمشاريه
والناس فيها من عزومه تتله =وتوصله فوق العليا وتعطيه
والناس ياما في الخلايق جبله =ياكل ويلتم الرخم في علابيه
لو بروزوا له صورته في المجله =الناس تدري عن علوم المسافيه
وانت الكريم اللي حجاجه يفله =ماعنده الا ابشر بمطلبك ياهيه
وانت الشجاع اللي سيوفه تسله=والفيلسوف اللي انتهى في مباديه
هب الكرز واستجمع الفل فله=لبيه ..ثم لبيه ..ثم الف لبيه
http://www.nshj.com/up-pic/uploads/f73f25092a.gif
هينه
هينه دام هي هـذي فهـي هينـه=والله اني حسبت العاقبـه عاقبـه
عاد تدري هي من أول وهي بينـه=شوفها مايبـي لـه نظـرة ثاقبـه
بنت ستين كلب وزفـت ومطينـه=قصة النجم والخبل الـذي راقبـه
مابعد شفت من همي سوى عينه=كيف أجل لو همومي جتك متعاقبه
جيتك بغصن طيب زهرتـه لينـه=كيف لو ييبس وتصفر الأوراق به
من رجا خير في شرواك ماعينـه=لاأنت سباق طيب ولاأنت لحاق به
مومس الوقت لو صلت ماهي دينه=يعرف البير واللي فيه ومن واق به
لا تحلف اليمين .. ولا نبي بينـه=فارق الصدر يالسر الذي ضاق به
كل شخص له من الـذل مافينـه=وكل شخص له من العز مالاق به
زين اللي تبي واللي تبـي شينـه=ماانت حول الطنايا لحيتك عاقبـه
http://www.nshj.com/up-pic/uploads/f73f25092a.gif
هدوء الارض
سلامي ياهدوء الأرض هذا أول الإعصار=توحدت بجراحي والمدى وجهي وآياتي
تشربت الهموم وبعض حلم في عيون صغار=وسميت الفضى جلدي وسميت الشجر ذاتي
لذا يممت وجهي عكس وجه الريح والتيار=نعم مادام ذيب الوقت عمدا مطلبه شاتي
رميتك ياحطب ذكراي في برد المسافة نار=وشفتك ياحطب تخلص وأنا بأول مسافاتي
رمادك في يدي شلته سؤال وشوكة استفسار=يجدد بي حريقة وأشتعل تولد بداياتي
وكملت الطريق بحلم باكر تنبت الأشجار=على أرض تسميها احتضاراتي حضاراتي
وباكر أضرب برجلي الصحاري تنفجر أنهار=وأشق البحر بعصا من غصن آهاتي
أقول مسامحك ياللي رفض يدخل معي في الغار=وأقول مسامحك ياعنكبوت عد خطواتي
بعدها يرجع العشق القديم لجمرة الأسفار=وأيمم وجهتي ومن ثاني أفرش مصلاتي
أنا وش أطلبك خلاص ماعاد بي أعذار=ألا ياسمعي أجمل دروبي درب زلاتي
كتبت اللي كتبت ولا قصدت ألفت لي الأنظار=ولكن قصدت ألفت لجوع الناس نظراتي
وأنا عامد أوضح شي وأترك شي خلق استار=ولا أقعد ليلة إلا وأغير قاع مرساتي
وأنا شفت الجمال يكون أجمل لو عليه أغبار=لذا لف الغموض أوراق لفتها كتاباتي
http://www.nshj.com/up-pic/uploads/f73f25092a.gif