ديوان الشاعر (متعب التركي )

[الــٍ عٍ ــٍزوٍفٍ]

صباحكمـ/مساءكمـ/ شعر وعذوبه وابداع
هنا في هذا المتصفح الذي لن يكون جميل الا ببصماتكم

سنقوم بجمع قصائد الشاعر العذب { متعب التركي )
وهو غني عن التعريف

سيكون هنا مرجع للابداع والجزاله لهذا الرائع الذي ترك بصمه واضحه بعد رحيله نسأل الله ان يثبته على طاعته وان لايحرمنا توبته

فقط ستكون الردود بقصائد للشاعر
لاننا في عكاظ :)

http://www.nshj.com/up-pic/uploads/f73f25092a.gif (http://www.nshj.com/up-pic)


مقتطفات من روائع متعب التركى





لك بقلبي غلا واعجاب ماهو بزايل (=) لو عن الارض زال طويق والا سنام

كن دمع العيون اللي على الخد سايل (=) صافي الما وهو يسقى ورود الخزام

راوي العود لاقاصر ولاهو بطايل (=) ينعرف زولها لو هي بوسط الزحام

http://www.nshj.com/up-pic/uploads/f73f25092a.gif (http://www.nshj.com/up-pic)



ضحيت بالواقع على شان الاحلام (=) وضحيت بالغالي على شان غالي

حتى الغرام اللي كسر قلبي العام (=) ماني بحاله كان ماهو بحالي

ماينحسب عمر البنادم بالاعوام (=) بعض السنين نعيش فيها ليالي .


. http://www.nshj.com/up-pic/uploads/f73f25092a.gif (http://www.nshj.com/up-pic)
.
.

متى ذكرتيني على شان تنسين (=) خليك مره صادقه وانصفيني

في وقت واحد تكرهين وتحبين (=) انا تعبت استحملك واعذريني

حبٍ سرق من عمري ايام وسنين (=) مثل الهوا مايمسكنه يديني
. http://www.nshj.com/up-pic/uploads/f73f25092a.gif (http://www.nshj.com/up-pic)
.
.
.

احلى سنين العمر راحت هدايا (=) لك يامجازي بالردى راعي الطيب

لي في حياتك ذكريات وخفايا (=) تبقى ولو باكر غزا راسك الشيب

ولا الوفا ماله بقلبك بقايا (=) عند الذي مثلك اظن الوفا عيب http://www.nshj.com/up-pic/uploads/f73f25092a.gif (http://www.nshj.com/up-pic)

.
.
.
.

ياليت مجروح الهوى جرحه يشاف (=) لقول قرب من جروحك وشفها

http://www.nshj.com/up-pic/uploads/f73f25092a.gif (http://www.nshj.com/up-pic)


.
.
.

.
اليا نشدوك العرب وش بينك وبيني (=) قولي حياتي قصيده ..كان شاعرها

http://www.nshj.com/up-pic/uploads/f73f25092a.gif (http://www.nshj.com/up-pic)
.
.
.

.
علمتني وشلون اصير انعزالي (=) واخذت مني راحة النفس والبال
http://www.nshj.com/up-pic/uploads/f73f25092a.gif (http://www.nshj.com/up-pic)
.
.

.
اتعب وغيري يجي ياخذ على الراحه (=) من حظ غيري وانا اللي زارع وساقي

http://www.nshj.com/up-pic/uploads/f73f25092a.gif (http://www.nshj.com/up-pic)
.
.
.
.

البسي لك ثوب غير اللي عليك (=) من لبس ثوب الغرور اكبر غبي

تحسبين الناس خاتم في يديك (=) من متى والعاطفه توخذ سبي

فز لك قلبي وانا قمت احتريك (=) والكريم يصير لضيوفه صبي

http://www.nshj.com/up-pic/uploads/f73f25092a.gif (http://www.nshj.com/up-pic)

هذه مقتطفات فقط اما القصائد ستكون بلا شك بعدها

كونوا بالقرب مـع متعب القاف

والف شكر لصاحب الفكره (شاعرنا محمد الحويماني )

.
.

[الــٍ عٍ ــٍزوٍفٍ]

((( توديع الاحباب)))





توديع الاحباب مثل الموت له سكره (=)ادمي جروحي وشق الصدر منيّا
والقلب طيرن ضلوع الادمي وكره (=)لاشاقه الطلع لاسلم ولا حيّا
مصير الاحزان تنساني تفتكره (=)ماكل الايام بيض وسمحت محيّا
قل غيرها منت لامجبر ولا مكره (=)لاصار ماهو غلا مابيلك احميّا
لوفي يدي شي ماقلت الوعد بكره (=)حزمت حدب الضلوع وقلتلك هيّا
لوكل غالي تجي دايم علي ذكره (=) ماصرت اشوفك هناك وحبك هنيّا
ياليتني لابغيت اكره قدرت اكره (=) ماكان قلبي اللياجيت اكرهك عيّا
مادامك معيف رح لكن علي فكره (=) ماقلتلى ليه دمعك سال منيّا


http://www.nshj.com/up-pic/uploads/f73f25092a.gif (http://www.nshj.com/up-pic)



((لا تنشغل فينى ))


لاتنشغل فيني أنابحالي ادرى (=) قلبٍ تعلّق فيك ينسى مع الوقت
اكثرمن اللي صارلي ويش يجرى (=)بين الرجاوالياس فكري تعلّقت
مثلي ولوشفته عن همومه ازرى (=) ماقال ليتك في جروحه ترافقت
هاك القصايد لاتضايقت واقرى (=) شف وشكثرفيها لبسماتك اشتقت
أثرالوفا ينباع عندك ويشرى (=)ماكنت اصدق فيك واليوم صدّقت
يامشتهي فرقا المواليف حذرى (=)تبعد وأنا من سكرة الحب مافقت
لاطافت الفرصه تحريت الاخرى (=)وتروح ماكني عليها تشوقت
ساري لو إن الليل مافيه قمرى (=) اشيل من حمل الهوى فوق ماطقت
لاصارحظ أقشروالايام قشرى (=)مافيه احد عاقل يلومك إلياضقت
صحيح بعض الناس فرقاه بشرى(=)وبعض البشرلاغاب ليله تضايقت
ليتك خذيت بليل الاحباب مسرى (=)غربت من كثر الطواري وشرّقت
السيل يبقاله على القاع مجرى (=)ويبقالك التذكارلوكنت فارقت
اشوف لك من وين مارحت ذكرى(=)ولاشفتها صديت عنها ودنقت
ماكل جرحٍ لاخذا أيام يبرى (=)بعض الجروح يزيد شره مع الوقت





http://www.nshj.com/up-pic/uploads/f73f25092a.gif (http://www.nshj.com/up-pic)

[الــٍ عٍ ــٍزوٍفٍ]

قبل اسااافر


قبل اسافر وتنسى جيت اسلم عليك (=)جيت ابي عمري اللي اكتشفته غدى

ضاعت اجمل سنيني من عمايل يديك (=) اكذب ان قلت راحت لاجل عينك فدى

فرصة العمر قالوا لا غدت ما تجيك (=)جتني اكثر فرص عمري وضاعت سدى

جرب الخوف مره حس به يعتليك (=)وارفع الصوت ماتسمع لصوتك صدى

تدري اللي ذبحني قولتك ما ابيك (=)مابقالي لثاري لو بغيته مدى

ما هقيت المشاعر كلها ترتجيك (=)قل لها بالمفارق منهو اللي بدى

هاك دمعة عيون(ن) باكيه تشتكيك (=)هاك ريح ضمير(ن)ما استراح وهدى

ما تناظر عيوني زول هذي وذيك (=) ما يهز المسامع اسم ريم وهدى

قلت ماعادلي رغبة وشوفات فيك (=) قلت يا نفس طيبي يفرحون العدى

قلت عايف ونفسي بالخفا تشتهيك (=) عزة النفس تدري طيب ما ردى

خل عينك تهل دموعها وش عليك (=) انت خدك ورود ودمع عينك ندى



.

http://www.nshj.com/up-pic/uploads/f73f25092a.gif (http://www.nshj.com/up-pic)


مرفوض ياللى بعت غيره عشانه (=) أزريت عن رد الجزا أو تهاونت

مابي لك أكثر سد باب الميانه (=) بانت مع الوقت الخفايا وبينت

مادام مالى وسط قلبك مكانه (=) أنا بعد مثلك عن الحب هونت

أنا مثل خيال خانه حصانه (=) عذره يقول من الرسن ماتمكنت

غرّه مع المركاض وارخى عنانه (=) مخطى وانا غلطان يوم انى امنت

لو كنت وافى ماتخون الامانه (=) ياللى تقول تشيب روحك ولا خنت

ذاك الهوى لو ماشعرت بحنانه (=)ماكنت فى حلو القصايد تفنّنت

شاعر تزلزل من فراقك كيانه (=) لك يعترف مايسكن القلب غير انت

لو كان قلبك صافى الود خانه (=)فى ذمّتى ماهان حبّك ولا هنت

أحدٍ يخون وواحد الوقت خانه (=) أنا ترى الثانى وألاوّل تراه أنت ؟

http://www.nshj.com/up-pic/uploads/f73f25092a.gif (http://www.nshj.com/up-pic)

[الــٍ عٍ ــٍزوٍفٍ]

صمت هـالمينا




ياوسيع البال ضيّقت الصدور (=) رحت ماعلّمتنى وين أنت سارى

فى غيابك مال خلق الله حضور (=) وفى حضورك مالهم بالبال طارى

ليه ماتختال يابدر البدور (=) والقصايد لك وصيفات وجوارى

لك بنات الفكر ربات الخدور (=) يكشفن لثامهن والجرح عارى

جعل قلبٍ ماملاه الصدق نور (=) عند وجه الريح مايلقى مزارى

التغاضى عجز لاطال القصور (=) ليه أدارى وأنت بالوضع دارى

الزمااااان قصير والدنيا تدور (=) كل يوم يضيق فى عينى مدارى

صاحبى محتاج لك شعر وشعور (=) وإحتياجى شى ماكان إختيارى

من متى والغصن يختار الطيور (=) من متى والبال يختار الطوارى

لاتسمى صمتى البارح غرور (=) انكسارى خلف هالصّمت متوارى

فى غياب الشمس وش ذنب الزهور (=) والمطر لاشح وش ذنب الصحارى

اللقا لحظات والغيبه شهور (=) تقصر الخطوات ويطول إنتظارى

لو قريت المنكتب وسط السطور (=) ماكتبت لغلطة العمر إعتذارى

صمت هالمينا مثل صمت القبور (=) مارسى مركب ولا لاحت صوارى


http://www.nshj.com/up-pic/uploads/f73f25092a.gif (http://www.nshj.com/up-pic)

معاااد تستاهل


كل حاجه طعمها مر فى هذا الزمان (=) هم هالدنيا وحنا نعيش لهمّها

المكان اللى عرفناه ماعاد المكان (=) والقلوب أحداث الايام زادت غمّها

صاحبى حتى أنت ماعاد تستاهل حنان (=) أنت بعثرت المشاوير وانت تلمّها

البكا فى مثل هالحال نوع من الهوان (=) والمهونه كل رجال حر يذمّها

صاحبى لو كان للناس والدنيا أمان (=) ماتموت ورود الاحلام قبل نشمّها

خل عنك علوم الاحباب واللى كان كان (=) انتهيت وسيرة الشوق مانى يمّها

كلما تظما لياليك قمت أكتب عشان (=) تنزف جروحى والايام تشرب دمّها

الكلام الموحش يخاف نور الشمعدان (=) تحترق أسمى معانيه قبل يضمّها

من زمان أكتب علشان نقرا من زمان (=) بس ماشفت المكاتيب جابت همّها



http://www.nshj.com/up-pic/uploads/f73f25092a.gif (http://www.nshj.com/up-pic)

[الــٍ عٍ ــٍزوٍفٍ]

لا ياعلي


لا يا علي الوضع هذا ما يناسبني=قله يفارق ترى لي بان تزييفه
يروح يبعد..وثم يرجع يقربني=يبيني اتبع هواه واخضع لكيفه
يخطي..ويزعل ويرجع لي يؤنبني=اسكت وانا اسمع تفاهاته وتخريفه
ماني بتمثال وقت الضيق ينصبني=عنه اتلقى خطا غيره وتهديفه
عذروبي اللي يعرفه ما يعيبني=كتاب مكشوف واضح فيه تحريفه
الموقف اللي حصل بالحيل متعبني=ولا يحاول بثوب الكذب تلحيفه
قله فراقه ترى ما عاد يرعبني=ما عاد يسوى بعيني(ربع تعريفه)
انغام عزفه ترى ما عاد تطربني= عندي تساوى برود شتاه مع صيفه
ماني معاتب وقله لا يعاتبني=جوي تعكر ولا اطلب منه تلطيفه
نهر العطا جف قله لا يحاسبني=القلب مما علق به صعب تنظيفه


http://www.nshj.com/up-pic/uploads/f73f25092a.gif (http://www.nshj.com/up-pic)


نهار الوداع



اخر اللي سمعته في نهار الوداع=دقت القلب مدري صوت عجل الخطاوي

نايف الطول وش سوابي الانقطاع=صار بين الضلوع القلب كنه فداوي

بيني وبين ضحكات السعاده نزاع=كني اللي قضى عمره طريدن جلاوي

لا تلوم الذي سوى لك المستطاع=خف من الله وخل جروحنا بالتساوي

عن هذيك النواعس ليه شلت القناع=الحيا وين يلي طول عمرك حياوي

كن خدك الطاهر بروق وشعاع=اثرها رحمة(ن) للناس بعض الغشاوي

وش يفيدك عذابي ياغريب الطباع=ليه دايم على الملتاع سيلك نحاوي

امتلي غيض وازعل يوم وارجع بساع=راعي الجرح يستحمل عذاب المداوي

غالطوني وقالوا ليش هالاندفاع=ادوخوني عليك مكثرين الحكاوي

عذربوك بوجودي بالجفا والخداع=فيك حلو الوصايف صوروها مساوي

التزمت السكوت ورأيهم فيك ضياع=لين قالوا متعب على البعد ناوي

ميت القلب عرضت الغلا للضياع=والله اني على قطع الرجا بك مراوي

ماتغيرت لين انك لويت الذراع=تحسب اني على الهجران ماني بقاوي

لوتقول انت ماعقب الفراق اجتماع=عندي اليوم كل اللي تقول متساوي

او يقولون صار يخاف قلب الشجاع=من هك الليله وبيت القصيد امتهاوي

بين شقر الجدايل والعيون الوساع=اذكر اني فقدت القلب في هالحراوي




http://www.nshj.com/up-pic/uploads/f73f25092a.gif (http://www.nshj.com/up-pic)

[الفهد]

الله .....


دائمــآ طرحــك.. رآقي

الــ ع ــزووف ..

الف شكر على الطرح..

ويسلم رآعي الفــ ك ــره...



هنــآ قصيــده اعجبتني
لـِ متعب التركي,,,,




\


;

نسيتني علمني وشلون ابنساك
في هالزمن نسيان الأحباب عادي
شلون لأمرت علي البال ذكراك
وطيفك سرق مني لذيذ الرقادي
وشلون لاقالوا لي الناس وش جاك
من كنت في لذة منامك تنادي
شلون أعيش اللي بقالي بلياك
لامن غدينا كل واحد بوادي
لو قلت أداوى جرحي اللي تباطاك
ماكل جرح يفيد فيه الضمادي
أعلنت حبك لين كلٍ تمناك
غلطه وغيري من خطاي استفادي
لولي مثل قلبك تمنيت فرقاك
واكيد قبلك بالجفا صرت بادي
حلوه عذاريبك وحلوه مزاياك
حتى بيوم فرا قنا كنت هادي
كن الليالي ودها تكسب رضاك
وآنا يطول مع الليالي جهادي
في ذمتي ماهي غريبة خطاياك
مبطي وقلبك لو تنبهت غادي
سهله علي من كان مثلك وشرواك
مثل الثياب يغيرون المبادي
علمني اكره ذكرياتك وطرياك
وانسى من الليلة صدوق الودادي
ولاني بقايل عقبها وين ابلقاك
راضي ولو إن جروح قلبي جدادي
وإلا القصايد جعلها من فداياك
لبستها مبطي ثياب الحدادي
باكر علي المخطي يدورون الأفلاك
ونشوف من يصعب عليه البعادي


لــكـِ مني كل التقديــر...
:3:

[الفهد]

اخرى...

\

;



قالوا حبيبك يسمع الشعر قلت أيه
يقـراه بعيونـي قبـل تسمعونـه
لولاه حتى طاري الشعر ما ابيـه
مير أكتبه من شان خاطر عيونـه
هو روح شعري وأمنياته وماضيه
جذع الشجر وش كان لولا غصونه
اكتب لغيره والقصايد تجـي فيـه
كن القصايد حالفـه مـا تخونـه
هذاك لا منه زعل قمـت أهاديـه
حتى وهو مخطي تعـذرت دونـه
يمكن لو أنه يلمس الجرح بيديـه
يستغرب ان اللي لمسهـا طعونـه
ابطى وهو غايب وزلت حراويـه
وأنا من العـام آتحـرى مزونـه
هو مادرى اني في غيابه محاتيـه
ليته نشد عن حالي اللـي يجونـه
واااا قلبي اللي توه أفلت عراويـه
كيف انسرق وضلوع قلبي حصونه
عجزت أرده كن مانـي براعيـه
يوم انتثر شوقه وهاضت شجونـه
يبسن عروقي لكن اللـي يعزيـه
ان اكثـر العالـم تـردد لحونـه
خافوا من الله لا تجيبـون طاريـه
لا صرت أنا موجـود لا تذكرونـه
لو كـل غالـي جابـه الله لغاليـه
ما شفت لك مخلوق تبكي عيونـه
\

;

دمتم

:3:

[ذكرى رحيللك]

http://up3.m5zn.com/get-4-2008-okyyjbaagp2.jpg



نبذهــ عنــ الشــاعــر :

هو متعب التركي المطيري من مواليد دولة الكويت

يمتاز بسلاسة الاسلوب ووضوح المغزى وانتقاء الكلمات .

شاعر تناقلت وسائل الاعلام قصائده

فحفظ الناس ابياته عن ظهر قلب...

لانها صادقه - مؤلمه - نقيه -

واضحه - مترجمه لمعاناتهم - باختصار شديد

لانها نابعة من القلب

في الاونه الاخيره

ابتعد متعب عن الساحه الشعريه

بكل مافيها الى طريقا نتمنى له

فيه الثبات والاستمرار.

متعب التركي شاعر لم يلاحق فلاشات

الصحافه في مسيرته الشعريه

لم يكتب قصائده لهدف النشر

بل لترجمة الاحاسيس والمشاعر

شاعر إعلامي من الطراز الأول

كانت بداياته في مجلة المختلف

واحيا عدة أمسيات مع كبار الشعراء

له لقاءات تلفزيونيه وإذاعيه

وهو الآن من منسوبي إدارة التربيه

والتعليم بمحافظة حفرالباطن



http://up3.m5zn.com/get-4-2008-3v34z03g2t9.jpg


http://up3.m5zn.com/get-4-2008-eqjfct8eh30.gif


خل عينك تهـل دموعهـا وش عليـك
انت خدك ورود ودمـع عينـك نـدى


http://up3.m5zn.com/get-4-2008-eqjfct8eh30.gif


لــو كــل غـالـي جـابـه الله لغالـيـه
.......................ما شفت لك مخلوق تبكـي عيونـه





http://up3.m5zn.com/get-4-2008-eqjfct8eh30.gif


باكر يروح الشتاء والثلج قصره يسيـح
مايفضح الثلج غير الشمـس وشروقهـا





http://up3.m5zn.com/get-4-2008-eqjfct8eh30.gif


غاليتي ***العزووف***

الله يبارك فيك

دمت على تلك النبذة واللمحات الرائعة

للشاعر متعب التركي

والانتقاء العذب للقصيدة الرائعة

سلمت عزيزتي وسلم جديدك المميز

أرق التحايا........

[ذكرى رحيللك]

ليـه وطيـت عـن خيـل السـروج
.......................ليه مديـت عقـب القـراح الهمـاج

لا تجمل لي الغلطات والعوج عـوج
.......................يضحك احجاج او ينعقد لـي حجـاج

اصبر اشوي وش علمك تهوج وتموج
.......................ميت القلب مثلـك مايعـرف الهيـاج

ماتعودت اجامـل معتليـن البـروج
.......................الزم العلم قبل يصير هرجك سمـاج

المشاعر تحي مثل المعاصير هـوج
.......................ونت مالك على هوج الرياح احتجاج

جيت وقلوب حسادي تميـل وتـروج
.......................لا صفى جوهم ساعه قفـاه العجـاح

ابتسم لك وهمي فـوج يقفـاه فـوج
.......................من يحبك لزوم ايصر مثلـك هجـاج

بس قلي ونا غلطان لـك ومحجـوج
.......................وين يلقون لجروح النواعـس عـلاج

القمر غاب وانت اطفيت نور السروج
.......................قلت يكفيك نور الوجه الاصبح سراج

كن بين الضلوع العوج صفقات موج
.......................يوم فاض الغلا والشوق والقلب هـاج

ضيقة الصدر لو بين المحاني تلـوج
.......................كل ضيقة لها عنـد الكريـم انفـراج

ماهو الغيض سبت كل ابو هالهـروج
.......................بس مالي على بعض السوالف مـزاج

[ذكرى رحيللك]

***هب الهــواء***

هب الهوى غرب واجتاح الضلوع وشعرت

إن الليالـي الجميلـة هــب نسناسـهـا

مـدري كبـر حلمنـا ولابعينـي كبـرت

والاهـي اوهـام ودي يصـدق إحساسهـا

تنسانـي أيـام وتجينـي متـى ماذكـرت

اليامتى وانـت روحـي حابـس انفاسهـا

كنت أجمل احلام عمري بس ليه انكسرت

يـازيـن الاحــلام لوماينكسربـاسـهـا

بيديك مديت لي كـاس المحبـه وصـرت

أنا اول اللـي يـذوق المـر مـن كاسهـا

من يومها وانت قدام عينـي ولوماظهـرت

دايـم وعينـي تشوفـك بيـن جلاسـهـا

قدرت ولا علـى نفسـي معـك ماقـدرت

لازاد عنـهـا غيـابـك زادوسواسـهـا

لوشفت حال الورق والشعرعقبك عـذرت

اللي حرق صفحـة الماضـي وكراسهـا

[الــٍ عٍ ــٍزوٍفٍ]

http://www.nshj.com/up-pic/uploads/f73f25092a.gif






هاك ذكراك من ذكراك ويش أستفيـد=كافـي أن المشاعـر هايمـه كلـهـا
ودي انساك والنسيـان ماهـو اكيـد=كيف ابنسى عيون(ن) رمشهـا ظلهـا
من هك اليوم وانت اللي بعيني وحيـد=ماخبرت العيـون تمـل مـن خلهـا
مير نفسي عزيزه وانت رايـك عنيـد=والنفـوس العزيـزه ماتبـي ذلـهـا
ليه تعطيني الدافـع واقـول القصيـد=ليه صفحـه غرامـي ترجـع تفلهـا
ليه ترجع على الماضي تزيـد وتعيـد=وانت من عـام الاول عاجـز تحلهـا
مابرى الجرح الاول كيف يبرى الجديد=شوف حالي نزيف جروحهـا سلهـا
كل ماشفت لك ذكرى وربـي شهيـد=كـن نـزاع روحـي بالحفـا تلهـا
اندفعـت لغرامـك يالغـزال الفريـد=والغـلا لـه دروب خاطـري دلهـا
فرحتـي بالقـا رغـم انهـا ماتفيـد=فرحـه القـاع لامـن المطـر بلهـا
وش بقى يالسراب اللي قريب(ن) بعيد=المحبـه وراحـت وانتهـى حلـهـا
لو كـل بكيفـه ياخـذ اللـي يريـد=كان ماشفت ناس تمـوت فـي غلهـا
هاك فرقاك خذها خـل قلبـك شديـد=خلهـا ماشيـه بحمولـهـا خلـهـا
كـل مـازاد تعذيبـك ذنوبـك تزيـد=الله اعلـم صلاتـك باطلـه كلـهـا


http://www.nshj.com/up-pic/uploads/f73f25092a.gif

[الــٍ عٍ ــٍزوٍفٍ]

http://www.nshj.com/up-pic/uploads/f73f25092a.gif





ماني اعمى بصيره بس وش عاد اسوي =مايطيب الجريـح ان كـان ماينتـداوى
كن حبه على حدب الضلوع امتطـوي =كيف ابقوى وانا بيباني قلبـي تهـاوى
شوف قلبي من جروح البعاد متكـوي =عقب ماقلت جرح الاعمى طاب وتشاوى
يوم ساقوا ركايبهـم وشبيـت ضـوي =ماتخوفت وسباع الخـلا لـي تعـاوى
اشهد انه تعكر عقب مـاراح جـوي =مانسيتـه وزولـه للعيـون يـتـراوى
زل وقت الوعد ماعاد فيهـا تـروى =بس انا وانت ياحرف القصيد انتخـاوى
قلهـم ياقصيـد لايروحـون تــوي= ماني الي حضوره مع غيابـه تسـاوى
رد عنـي علومـن ماتونـي عـدوي =قلهم متعـب التركـي عليـل وتـداوى

http://www.nshj.com/up-pic/uploads/f73f25092a.gif

[الــٍ عٍ ــٍزوٍفٍ]

http://www.nshj.com/up-pic/uploads/f73f25092a.gif

(تـحــصــيــل حـــاصــــل)


مليت امشي كلامـك ويـن مقصـودك=باوقفك ابسألـك وتقـول لـي واصـل
واصلت دربك ولكن ضاعـت حـدودك=واللي حصل لي ما اظن لحضرتك حاصل
تعطيني وعـود لكـن تبخـل بجـودك=بنيـت دون الحقيقـه حاجـز وفاصـل
مابي ملامك عتب وارفض عتب سـودك=انته من العيـن مهمـا تفعلـه ناصـل
كمل بروحـك لنفسـك نقصـك وزودك=تاصل طريق تبي او عـل مـا تاصـل
ولا يروح عقلك بعيد وتوفـي وعـودك=اللـي بقـا بيننـا تحصيـل حـاصـل
.


http://www.nshj.com/up-pic/uploads/f73f25092a.gif

( مداعبة..نسيم....الليل )




يطول الجفا وتشاغل الخاطر المكسور=ويبقى مـع الايـام طاريـك بلسانـي
اشوفك بعيني مع غياب وطلوع النور=ذكرني خيالك يـوم قلبـك تناسانـي
تذكرت يوم اني معك راضين مسـرور=وسجيت مدري هاجسي ويـن ودانـي
تخيلتك وفزيت طولي بـدون شعـور=اثاريه طيفك صار له وقـت ماجانـي
طرتلي ليالـي لـو تذكرتهـا معـذور=لو الوقت يرجع كان انا جيتها عانـي
يداعب نسيم الليل مجدولـك المنثـور=تغطيه عني والهـوى يكشفـه ثانـي
تفوح الجدايل مسك مدري عطر وزهور=تعنيك في طولهـا والشـوق عنانـي
اثر من تولع لو سمع مايطيع الشـور=هو اللي يشوف وباقي الناس عمياني
نسيت الليالي ذيك وشلـون يامغـرور=انا كنت اغالط من يقولـون تنسانـي
هذيك اليالي وين اثر الزمـان يـدور=رجح في عيونك ذيك الايـام ميزانـي
انا كيف ابنسى خابرن قلبي المجبـور=لو اني نسيتك ماني بناسـي احزانـي
زمان مضى له دور واليوم غيـره دور=انا اليوم مالـد النظـر لـو تعدانـي
كفى ماجرى ما فيه داعي تجي مشكور=غرام الليالي ذيك خلـه علـى شانـي



http://www.nshj.com/up-pic/uploads/f73f25092a.gif

[الــٍ عٍ ــٍزوٍفٍ]

http://www.nshj.com/up-pic/uploads/f73f25092a.gif



((من عام ......الاول........))



لو قلت مرتـاح مانفسـي بمرتاحـه=غير التعب في غيابه مانـي بلاقـي
من عام الاول وقلبي تنزف اجراحـه=ضاقت على الوسيعه والفضا ضاقـي
لا بال مرتـاح لا فرحـه ولا راحـه=كم لي سنه وانتظر غيبـات سراقـي
ارجيه عقب البطا لو طال مرواحـه=كانه على هقوتـي ماخـان ميثاقـي
قلبن يذوق الهوى من يكبح اجماحـه=خلوه يرتاح دامـه بالهـوى شاقـي
اضحك وقلبي مع اللي عجة ارياحـه=لا قلت ياقلب طالت قـال وش باقـي
اللي عيونه وسـاع سـود ذباحـه=ازريت اداري غلاه بخافـي اوراقـي
ساكت وعيني ولو ماقلـت فضاحـه=حتى القصايد تخون وتفضح اشواقي
لو ما بغيت الهوى صابتني ارماحـه=ماجاه دون اللحم ساتـر ولا واقـي
مثل البحر كم غرق به ناس سباحـه=تضيع مع قوَ موجه هقـوة الهاقـي
خبري بقلبه صدوق الشوق يجتاحـه=عندي خبر فيه مايقوى على فراقـي
اتعب وغيري يجي وياخذ على الراحه=من حظ غيري وانا اللي زارع وساقي
.


http://www.nshj.com/up-pic/uploads/f73f25092a.gif

[اوكسجين]

العزوف متصفح رائع امتعتينا ..

من قصائد متعب التركي

الـمـووت هـيـن الـبـلا وش ورا الـمـووت..؟!
............عـنـد الـحـسـاب يـهـون سـهـم الـمـنـايـا

بـاكـر نـمـووت وتــصـبـح قـبـورنـا بـيـوت
............عــقـب الـقـصـور بـضـيـقـات الـزوايـا

فـي جـوف الارض وكـل مـن حـولـك سـكـوت
............وتـعـاقـبـن بـالـقـبـر عـوج الـحـنـايـا

يـارب يـا مـنـجـي نـبـيـك مـن الـحـوت
.............سـتـرك وعـفـوك يـوم كـشـف الـخـفـايـا

بـاكـر لـيـا جـيـنـا عـلـى داعـي الـصـوت
.............شـيـبـان واطـفـال وشـبـاب وصـبـايـا

يـارب تـهـديـنـي قـبـل لـحـظـة الـفـوت
..............وتـغـفـر ذنـوبـي يـاكـريـم الـعـطـايـا

اشـكـيـك هـمٍٍ داخـل الـصـدر مـكـبـوت
..............وايـامـي الـلـي بـالـخـطـايـا مـلايـا

ان لاذ بـك مـن كـان طـايـع ومـبـخـوت
..............فـي مـن يـلـوذ الـمـرتـكـب لـلـخـطـايـا

يـارب يـاقـادر عـلـى كـل طـاغـوت
..............لا يـاقـف الـلـي وحـدوا بـك خـزايـا

رحـمـاك لا مـنـا صـحـيـنـا مـن الـمـوت
..............والـيـا وقـفـنـا عـنـد بـابـك عـرايـا

[الــٍ عٍ ــٍزوٍفٍ]

وين هالغيبه






وين هالغيبه عسى ماهي إفـراق=ليه تبخل بالمجـي خلّـك كريـم
خابر ان الجرح لا صابه حـراق=مـا يفيـده طـبّ والله العظيـم
ينشدوني وين من رمشه دقـاق؟=قلت مدري ذاك خبري بـه قديـم
الغلا راعيـه لـه قلبـن رقـاق=لو جفيته صارت ضلوعه هشيـم
لو زعل لو شال غيضه واستضاق=ما يخرّبهـا وجرحـه بالصميـم
ادمـح الـزلاّت زلاّت الـرفـاق=خصّ لا من صار راعيها حشيـم
واكره الخـوّان كرهـي للعـراق=واعشق الوافين عشقي للقصيـم
عند اهلها غاليه وضـح النيـاق=وانت عندي يمكن اغلا يا وسيـم
ان بغيت افراقنـا هـاك الفـراق=وش نبي بالحب دام الحب ضيـم



http://sss2.com/up/uploads/images/sss2-0c8e8c3789.gif (http://sss2.com/up/)


يوم طاب السهر عيت تطيب النفـوس=جت من الله واناكـم كنـت محتاجهـا
كنها من حلاهـا كـل ليلـه عـروس=خايفه من عيون النـاس واحراجهـا.
حي هالطول يـازول عسـاه محـروس=مـن عبـث لوعةالايـام وازعاجـهـا
تزعل نفوس وإلا تمتلـي غيـظ روس=من يقـرب لهـا وضلوعـي سياجهـا
لامتى وانت ياشوق القلوب محبـوس=.طالـت السالفـه وابطيـت بعلاجـهـا
جعل قلب على نـار الغيـاب محمـوس=يحتـرق بيـن صاليـهـا ووهاجـهـا
من خبرله غلا بين الضلوع مغـروس=غرسة كلبـو شعـري مـن انتاجهـا
لاتقرب لك الفرقـا هذيـك الهجـوس=من متى والبحور تفـارق امواجهـا.!
لازم اصبر على وجه الزمان العبـوس=لين سود الليالـي يضحـك احجاجهـا
من بغى يقطع الفرجه يعـاف الجلـوس=ليـن ياصـل نهايتـهـا ومخراجـهـا
كان شعري قصر ماطال شمس الشموس=تستريـح القصايـد داخـل ادراجـهـا



http://sss2.com/up/uploads/images/sss2-0c8e8c3789.gif (http://sss2.com/up/)



ذكراك لاهبت يجـي عطرهـا صلـف=واستنشقـه بالصـدر مثـل الخزامـى
إي والله إن غيابهـا مكلـف كـلـف=إي والله ان عـروق قلبـي تـوامـى
رمش النواعس والحجاجيـن والزلف=يـامـا خـذن قبلـي قلـوب النشامـى
أمضى من المصقول واسبق من الشلف=سهم الهـوى لوكنـت عنـه اتعامـى
لايخدعك صبري على الجرح ماخلـف=هالشعر غيـر جـروح قلبـي تدامـى
لي خاطر بينـه وبيـن الشقـا حلـف=يامـا عثـت فيـه المقاديـر يـامـا
من عاش هالدنيا بلاصاحـب وولـف=.عز الله انه عـاش عيشـة يتامـى .
خل السوالـف والمشاريـه والحلـف=مبطي وانا علـى الجـروح اتسامـى
قلب يضيق بذكريـات الهـوى جلـف=وقلبي مثـل جـرد القفـار ايترامـى



http://sss2.com/up/uploads/images/sss2-0c8e8c3789.gif (http://sss2.com/up/)


ياسعود لاتنشد ترى مانـي مجيـب=خل الذي خافي له شهور خافي ..!!
إن شفتني مغتاظ لي حـق ومصيـب=ياسعود مزعلنـي جديـد إكتشافـي
الغالي اللي كان مـن قلبـي قريـب=بيني وبينـه صـار مثـل التجافـي
إن قلت زله...مثلنـا زلتـه عيـب=من قال لك شمس الضحى ماتشافـي
إن قلت هقوه...يمكن تصيب وتخيب=كم لي سنة ماشفـت فيـه إختلافـي
وإن صار في نفسه بعض شكه وريب=حتى البحر ماهو على طـول صافـي
صرنا من الصده سوات المصاويـب=كلن نقل جرحـه وقـال : امتعافـي
أصعب فراق...فراق عكف الأشانيب=ماهـو مفارق...لابسـات الغدافـي.
والذيب لامنه عـوى جاوبـه ذيـب=والعلم حامض..بس ويـن الأشافـي
ودامه لقالـه غيـر قلبـي معازيـب=الله يسمـح درب هـاك السنـافـي
يروح...لايرجي رسـول ومكاتيـب=هو خابـر إني...ماأتلفـت خلافـي
واللي تعلى فـوق روس المراقيـب=أكيـد ماتسفـي عليـه السـوافـي
رح بشر اللي "شال شلفا" تريحيـب=قله...تـراهـا كلبـوهـا عـوافـي
اليوم نفسي طابـت وباكـر يطيـب=جرحي لو أنه مـن يديـن المشافـي


http://sss2.com/up/uploads/images/sss2-0c8e8c3789.gif (http://sss2.com/up/)


هذي اللي غلاها مايبي قـول قايـل =هذي اسباب غيضي والرضا والهيام
هذي رسومها بين الضلوع النحايل =هذي اللي على صدر القصيده وسام
الاصايل يجنك مثل اهلهـن اصايـل =والوكاد انهـا منهـن بليـا كـلام
يوم فلت على الخصر النحيل الجدايل =واستدارت خجل مدري تصنع غرام
عودها مال لو هي ماتبيـه يتمايـل =بماهو بكيفها من ليـن ذاك القـوام
واقف وكن رجلي فوق جرف متهايل =للجمال بعيـون العاشقيـن احتـرام
قلت في خاطري ماني عليها بعايـل= لكن القلب سابقنـي بـرد السـلام
ماني اللي حذف عند الزناد الفتايـل= يومها ولعـت نـاره تغطـى ونـام
واجد الزين عند الحاضره والقبايـل= شفت واجد ومرني مـرور الكـرام
بس هذي وصفها علـوم وهوايـل= كنها قطعة من نـور بـدر التمـام
ياكثر ملحها والا الحلا لـه دلايـل =حور عيونها والخشم سلـة حسـام
كن ذيك الخدود بـروق ماتنتخايـل= لاكساهن شعرها شفت برق وظـلام
تعسف الخيل ونفوس البشر تنتحايل= مير خيل القصايد مايطيـق اللجـام
إنتحيت ولقيت القلب مامن صمايـل= كل ماذعذع الغربي من الشوق هـام
ياكثر ماني من الشوق والحب شايل =من عشق مثلها وشلون بالله يـلام
هذي اللي حلاها مايبي قـول قايـل =ماهي أول غلا لاشك مسك الختـام

http://sss2.com/up/uploads/images/sss2-0c8e8c3789.gif (http://sss2.com/up/)

[الــٍ عٍ ــٍزوٍفٍ]

http://sss2.com/up/uploads/images/sss2-0c8e8c3789.gif (http://sss2.com/up/)


مفتوح باب الرجى لو هب مليون ريـح=والريح ماتاخذ الغرسـه مـن عروقهـا
القوس مكسور والرامي يقـوم ويطيـح=والسهـم منعـاج والايـام خازوقـهـا
لو لبسوا ساقط الهرجه ثيـاب المديـح=قلنـا سحابـة وبلـة يابـس حلوقهـا
ياحادي الركب لا توده عليـه وتصيـح=ماعاد هـي سالفـة ليلـى ومعشوقهـا
مديت شوفي وشفت الكون رحب وفسيح=والارض حدر المواطي والسمـا فوقهـا
مادام عين الرضا ماها هماج وشحيـح=ابتبـع الغيمـة اللـي رفـة بروقـهـا
مدري عن المقبله لكن عسى الله يبيـح=اللي تهـز القلـوب وهزنـي شوقهـا
غنيت للحب ولسان المحبه فصيح=والبدو سبـة غناهـا ضيقـه خلوقهـا
باكر يروح الشتا والثلج قصره يسيح=مايفضح الثلج غير الشمس وشروقها


http://sss2.com/up/uploads/images/sss2-0c8e8c3789.gif (http://sss2.com/up/)


مدري البارحه وين إفتكرت وسرحـت=هي طواري او ان هموم قلبـي ثقـال
هي طرتلي قديم الذكريـات ولمحـت=زول وإلا الحكايـه كلبوهـا خـيـال
هجن ركايب فكري بالمشاعر وصحت=منهو اللـي تغافلنـي وفـك العقـال
ضقت والبال عمس ومنقلب فوق تحت=هي من شوي يوم تفوح صفر الـدلال
ودي افرح ومن مبطي انـا مافرحـت=ودي القا عن شموس الحبايب ظـلال
كم سنة عقب مركوز النهد مافتحـت=قلبـي ولاعيونـي للغـلا والجـمـال
لوبغيت انتهز فرصات واجـد ربحـت=كانت اجمل فرص عمري تنادي تعـال
ماهـو بعيـب لازليـت وإلا جنحـت=منهو اللي بلغ فينـا حـدود الكمـال
وانت ياللي عن حدود المحبه نزحـت=كل ماشدلـك حيلـي تشـد الرحـال
ماشكيتك لواني من جفـاك انذبحـت=وانت شف حكمة الخالق ذبحك الدلال
لاتقول انك بذاك التصـرف مزحـت=يوم سويت في هاك النهـار احتفـال
ماهجيتـك ولاكنـي ابـد مامـدحـت=كل ابوهن عقب هالعشره اكبـر محـال
صاحبي دام انا منك وعليك انجرحـت=لاتجيني على درب الخطـأ والخمـال
تدري اني تحملت الكثيـر وسمحـت=خابر ان التسامح من كريم الخصـال
ليه تفهم غلط وشفيك لبعيـد رحـت=ماطلبتك تشيل الهـم يابـن الحـلال
ماشغل بالـي إلا يـوم افكـر بنحـت=القصايـد واحفظهـا قلـوب الرجـال
قالوا اني بترويض القوافـي نجحـت=قلت اجل كيف لوبزعل وامس الحبـال
لوتخوفـت مـن الخطـر مافلـحـت=مايهـاب الصعـاب إلا ردي العيـال
عكس تيارهم شفني جزمت وسبحـت=ماحرصت اني اترك للتراجـع مجـال
لوطموحي قريب من زمان استرحـت=مير خابر محلي فـوق روس الجبـال

http://sss2.com/up/uploads/images/sss2-0c8e8c3789.gif (http://sss2.com/up/)


حسي بلوعـات الليالـي والاحـزان=بعديـن حسـي بالهـوى لا بغيتـي
وش به يهمك لو يقولـون زعـلان=لو فيـك ذره مـن الغـلا ماجفيتـي
يالي تقوليـن الخطـأ زلـت لسـان=فـي زحمـة الايـام ليـه اختفيتـي
خطاي وان جه مدري الذنب وش كان=ليـه انتهـى ذاك الغـلا وانتهيتـي
وقفت في وجه الزمن قـدر الامكـان=وانتي جنح فيـك الخيـال وغفيتـي
غلطان انا في كل الاحـوال غلطـان=اسرجتلك خيـل القصيـد وسريتـي
جيتي وقلت الجرح يوم اقبلـت هـان=وانتي على الجرح القديـم ارتكيتـي
قلتي لـي ان الحـب لابـد ينصـان=واليـوم ماكنـك دقايـق هويـتـي
شافوك حساد الهوى شوف الاعيـان=يومك على رجـم القصايـد رقيتـي
ما بان لك شي ولا بقا شي ما بـان=بس انتي اللـي غافلـه مـا دريتـي
العام لك طاري بقلبـي ولـك شـان=واليوم احـس بغلطتـي لا طريتـي
وان قدر المولى وعشتـي بحرمـان=ومن حر لوعـات التجافـي بكيتـي
تذكري قلب ٍ لـه سنيـن شفقـان=شوفي بحقـه ياكثـر مـا خطيتـي
كل القصيد اللي اقولـه علـى شـان=تهزك الذكـرى عقـب مـا نسيتـي
http://sss2.com/up/uploads/images/sss2-0c8e8c3789.gif (http://sss2.com/up/)



متى ذكرتيني على شان تنسيـن=خليك مـره صادقـه وانصفينـي
في وقت واحد تكرهين وتحبيـن.=انا تعبت استحملـك واعذرينـي
حبك سرق من عمري ايام وسنين=مثـل الهـوا مايمسكنـه يدينـي

http://sss2.com/up/uploads/images/sss2-0c8e8c3789.gif (http://sss2.com/up/)



ماقلت لـي شـي وش خليـت ماقلتـه=أسكت وخل ألكـلام لجرحـي ألدامـي
لو غيرك اللـي يسولـف مـا تحملتـه=لكن على شـان عينـك هانـت آلامـي
للحـب مفهـوم عـمـرك ماتخيلـتـه=ما أظـن يستوعبـه تفكيـرك ألسامـي
هذا ألفـراق ألطويـل وهـذي اسألتـه=هـذا حصـاد ألسنيـن وهـذي أيامـي
يامـا ويامـا عليـك ألبـال طولـتـه.=وألعمرعدى وأناعايـش علـى أوهامـي
حتي طريـق ألفـراق أللـي تساهلتـه=لقيته أصعب على نفسـي مـن أقدامـي
هـذا قصيـدي بعينـك لـو تجاهلـتـه=ينزف على شان يروي قلبـك ألضامـي
ألعـام طـاري غيابـك مــا تقبلـتـه=وأليوم حرماني أصبح مصـدر إلهامـي
لاتعتذرلـي وابنسـى كـل مـا قلـتـه=وش ينفع ألعذر لا من ضاعـت أيامـي
أصبر لـي شـوي لـو دمـي تثاقلتـه=بحاول استوعب أللـي صـار قدامـي
ألحب ضحكه بعينـك بـس مـا طلتـه=عمرك بها ألكون شفت ابسط من أحلامي
ألقلب لـو ماخفـق لـك كـان ماشلتـه=ولو ما أنت ملهم قصيدي جفت أقلامـي

http://sss2.com/up/uploads/images/sss2-0c8e8c3789.gif (http://sss2.com/up/)


ضايق البال مايستانـس لحالـه=وانت لاغبت عني كني لحالـي
جتك الاشواق رجليـة وخيالـه=غير الاول تحمل شوقي التالـي
ليت من قال (متعب) خابت آماله=شاف بعيونك الخدرات منزالـي
واحد فيك ماهـو منشغـل بالـه=اشهد انه بها الدنيا هـو السالـي
راوي العود يزهالـك وتزهالـه=عاد مايقدر يلومـه ليـا مالـي
صاحبي والقصايد فيك مختالـه=وانت لك حق فيهن يوم تختالـي
دام نفسك لحب الشعـر ميالـه=ليه ماصير شاعر وانت في بالي
من تمناك لاتنشد عـن احوالـه=كيف عقب العسل يستطعم الحالي
عقبك النفس مذعـورة ومهتالـه=سود الايام هزت برجي العالـي
لكن القلب من يمك على حالـه=في تناسيك ليه اكذب على حالي
قلت لك نعمة النسيـان زوالـه=ذكرياتك بعضهـا قـام يبرالـي
كل مامرني طيفك علـى فالـه=قلت يامرحبا في ريحة الغالـي
شلت همك وهمي ماحدن شالـه=كن قلبك غدى ياصاحبي خالـي
ابتعدنا وكلـن راح فـي حالـه=بين هالناس لكـن كنـي لحالـي

http://sss2.com/up/uploads/images/sss2-0c8e8c3789.gif (http://sss2.com/up/)

[الــٍ عٍ ــٍزوٍفٍ]

http://sss2.com/up/uploads/images/sss2-0c8e8c3789.gif (http://sss2.com/up/)





رغم التعب والتناقض منزلك عالي=لو كنت في خطوتك تكثر تعاريجك
عنيد لكن عنـادك حيـل يحلالـي=ولو كان للعند تاج اعلنت تتويجـك
لكن ترفق وشوف وجيـه عذالـي=تفرح ،، تأيد صدودك لي وتحجيجك
يكفي تشوف بعيونك ثوبي البالـي=اللي تمزق تحت قسـوة كرابيجـك
حزيـن رددت للاحـزان موالـي=وانت اتغني فرح واسمع اهازيجك
لازلت احبك ولكن وعـد يالغالـي=لابد اوقف دعاباتـك وتهريجـك
وإن كنت مهر ولا روضك خيالـي=جيت وعلى جثتي عسفك وتسريجك

http://sss2.com/up/uploads/images/sss2-0c8e8c3789.gif (http://sss2.com/up/)




دليل المحبه شوف عيني عليـك تغـار=ولاودي الحاسـد عيونـك يطالعـهـا
مع انك رحلت بعيد لكن بقى التذكـار=ليا شافتـه عينـي تسابـق مدامعـهـا
دفنت الغرام بخافقي والقلوب اسـرار=مشاعر هقيـت ان الليالـي تضيعهـا
فرحت برجوعك ماطلبت لخطاك اعذار=ونفسي تناست ماجرى مـن تواضعهـا
تهادت مشاعر خاطري لك بلا معيـار=تجاهلتها لـو كنـت خابـر دوافعهـا
يقولونها قبلـي يخـون البحـر بحـار=والامواج لاهاجت خذت ماتبي معهـا
تكاثرت منك الصد وأثر العلوم كبـار=لقيتك علـى نفسـي تقلـب مواجعهـا
اقوله وانا اللي شفت ذاك الغلا ينهـار=يشوف الندم رجـال نفسـه يطاوعهـا
مثل ماضرب جو خلا غـادي محتـار=يدوج ورجله مـادرى ويـن موقعهـا
تعرض سموم القيض والدار مامن دار=هليك وشعر بالموت روحـه ينازعهـا
جحدت الغلا لين امتلى بالخفوق وثـار=قصايد عساها اليوم تطـرق مسامعهـا
غرامك مثل نار حطبها الغـلا والنـار=تموت وغـلاك اللـي بقلبـي يولعهـا
غلاك بضميري واضح ماعليـه غبـار=تشيل الغلا نفسي وانا عاجـز امنعهـا
يقولون ماودعك قلت الفـراق وصـار=والانسان روحـه تنسلـب مايودعهـا
هذيك الليالي وين وأثـر الزمـن دوار=خذاهـا ولاظنـي زمانـي يرجعـهـا
طوتها السنين ولابقالي سوى التذكـار=ليـا شافتـه عينـي تسابـق مدامعهـا


http://sss2.com/up/uploads/images/sss2-0c8e8c3789.gif (http://sss2.com/up/)


البارحه مدري وش اللـي خذانـي=يوم اجنبوا عني من الضيقه اشملت
جيـت اتكلـم بـس عيـا لسانـي=ماكني إلا مرتكب ذنـب واخملـت
الله يسامح مـن ذكـرت ونسانـي=وانا ادري انـي لاذكرتـه تجملـت
عانيت وادري كـل طيـب يعانـي=وعلى حساب طعوني الخضر جاملت
ياماخـدوا منـي ولااحـد عطانـي=من طيبتي في حق نفسي تساهلـت
عـزاي لامنـه تجهـم زمـانـي=يممت وجهـي للكريـم وتوسلـت
واللي يبي قربـي وبعـدي لقانـي=امشي على وضح النقـا ماتختلـت
يامن سكنت اجمـل زوايـا كيانـي=ياما على نفسي عشانـك تحاملـت
مرات احسـانك معي شخص ثاني=ومرات احسـانك حبيبي ومازلـت
لاتفرح انك دجـت بيـن المحانـي=لوماتخـون الذاكـره ماتسلـلـت
عشان ماضيك الجميـل وعشانـي=حاول تشيل من الوفا ربع ماشلـت
ماني على خبـرك حبيبـي ترانـي=حتي عن صغار الامانـي تنازلـت

http://sss2.com/up/uploads/images/sss2-0c8e8c3789.gif (http://sss2.com/up/)



مشكور يا بايع مشاعـرك مشكـور=العام ذنـب وهالسنـه ذنـب ثانـي
وش عاد اقول ولا بقى شي مستور=ما طعتني يوم ابتسـم لـي زمانـي
لا تعتذر لو خاطري منك مكسـور=لا تفتكرنـي دام قلـبـك نسـانـي
لا لا تقـول ان الليالـي لهـا دور=شف من هو اللي كان فينـا أنانـي
مدري تصنعت الغلا زور في زور=مدري انا اللي حيل كنـت متفانـي
مثل العما ما تنفعه طلعة النـور=النور بعيون العمـا مـا يبانـي
عندي خبر لو جاك من يمي قصور=لأقول انا مخطـي وربـي جزانـي
لو شفتني قاسي عليك انت معـذور=شفني من أول جرح لا زلت أعاني
انا بشر مثلك لي احساس وشعـور=واغتـاظ لا مـس الكـلام بكيانـي
حتى وانا في قمـة الغيـظ مقهـور=بعض الحكي عيـا يقولـه لسانـي
ابقولها لو قلت لي صابـك غـرور=ما فيه احـد ياخـذ بقلبـك مكانـي
العام قلبـي فيـك هايـم ومجبـور=العـام لا منـي جفيتـك عصانـي
واليوم حبـك فـي حنايـاه مقبـور=لـو مـا دعيتـه للمفـارق دعانـي
ذاك الهوى ما عاد لك فيـه مقـدور=ابعد من ايـام الرشـي والسوانـي
ما دمت راضي عن عذابي ومسرور=ملعون ابو قلـب ٍ عليـك يحدانـي

http://sss2.com/up/uploads/images/sss2-0c8e8c3789.gif (http://sss2.com/up/)



يانفس هـدي لاتزيديـن الاوجـاع=كافي من الدنيا نشـوف العجايـب
ماني على من صد ضايق ومرتـاع=لاهو من الغالين والا من القرايـب
لاصـار مابينـي ولا بينـه نـزاع=ولاجيتـه بزلـه ولاعلـم خايـب
حق الرفيق اني نهيتـه ولا طـاع=والراي مابه فرض والا غصايـب
يومه غدا بينت له كـل الاوضـاع=ماقلت اخلي سايب الوضع سايـب
ناديت له لكـن تجاهلنـي وضـاع=صد وعلى عمياه سـاق الركايـب
اقفا على رايـه ولافيـه مرجـاع=مثل السحاب اللي قفـت الهبايـب
للعلم بين الناس مدخـل ومطـلاع=واللي يجود حامض العلم صايـب
ومن ينطح المويه ولاعنده شـراع=ان عاش يرجع من هك الموج هايب
والعاقل اللي لا خطا يرجع بسـاع=يسترجع ولاياخـذ الـراي عايـب
واللي يصير لرغبة النفس مطـواع=لابـد مايلقـى العنـا والمصايـب
والناس مختلفه لها اشكال واطباع=بعض المعارف عرفهم لك نشايب
بالناس من يلبس على وجه قنـاع=حسود لكن فـي ثيـاب الحبايـب
هذاك ماني فـي مخـاواه طمـاع=من قبل اجيه وخاطري منه طايـب
والرجال اللـي لهـم بالوفـا بـاع=وقفاتهم تبري الجـروح العطايـب
واللي لفاك بحـزة الضيـق فـزاع=مادار وجهه عن سمـوم ولهايـب
ماصد يوم انك من الوقـت ملتـاع=ماغاب يوم ان اكثر النـاس غايـب
هذاك تشتري خوتـه كيـف تنبـاع=هذاك من شانه تهـون الصعايـب
قلته وانا مالي ورى هرجي اطماع=علـى افراقـه لاتصيـر السبايـب
اسمع مادام الصوت ياصل للاسماع=ان تبت والا ياعسى منـت تايـب
مادامها صارت حـزازات واتبـاع=مالـي ومـال مدوريـن الطلايـب
واعرف تراها لو شكت ثقلك القاع=مصيرها تركـز عليـك النصايـب

http://sss2.com/up/uploads/images/sss2-0c8e8c3789.gif (http://sss2.com/up/)



مرت سنه وشهور وشويـة أيـام=على غياب اللي حلاهـا شمالـي
كم قلت في نفسي قبل عيني تنـام=يارب جبها عند ماأصحى قبالـي
تعبت أدور بيـن حزنـي والآلام=عن صبري اللي مابقى منه تالـي
يابنت خليـت السوالـف للأقـلام=يكفيـك لاعـز الكـلام إنفعالـي
من صارت الدنيا حسابات وأرقام=وأنا عجزت أستوعب اللي جرالي
ضحيت بالواقع على شان الأحلام=وضحيت بالغالي على شان غالي
حتى الغرام اللي كسر قلبي العام=ماني بحاله كـان ماهـو بحالـي
ماينحسب عمر البنادم بالأعـوام=بعض السنين نعيش فيهـا ليالـي
وجه التشابه بين قلبـك والأيـام=القلب خالي ،، والليالي خوالي


http://sss2.com/up/uploads/images/sss2-0c8e8c3789.gif (http://sss2.com/up/)


رجع بي طاري الذكر على ذيك العيون السود=وأنا اللي قلت ماعاد الهوى يطري على بالـي
تناسيتك وشفت الشوق في قلبي عليك يـزود=اثرني مانسيتـك بـس مـن همـي تورالـي
غديت وطاري الذكرى سواة الملح والبـارود=ليا منه قرب لي ثار شوقـي وانقلـب حالـي
تجي وتروح لكن في ضميري باقي موجـود=على حد السراب اللي زما طيفـك تروالـي
تمر الثانيه في حسبه الساعه على الموعـود=اجل ربي يعينك لاغدى راع الوعـد غالـي
سهيت ولا وعيت الاوقلبـي للغلـى مشـدود=تنبهـت وبغيـت الحـق عليـه ولا تهيالـي
وانا اللي خابر كل العلوم ونقصهـا والـزود=أضيع في موازين الحكـي لا شفتـك قبالـي
اسامح وادري اني بالجفا مبطي وانا المقصود=وانا اللي لو من اولها جفيتك يمكن اشوالـي
على هونك توقا ماهي بكيفـك نعيـم العـود=تحاسبني وانا اللي راحت ايامي على الخالي
حرام تضيع من عمري ليالي مالهـا مـردود=تعابيـر الشماتـه شفتهـا بوجيـه عـذالـي
انا ماني بعاجز لو بجازيك الصـدود صـدود=يضيق المنزل بغيـري ولا غيـرت منزالـي
كريم النفس حتى بالمشاعر لاعطاك يجود=على كثر العطايا مانشدتك ويش يبقالـي
تمهل واعرف اللي راح لا يمكن عليك يعـود=خذاه الوقت لاتستنقض المبطي مـع التالـي
ابقطعها حبالك لو بها حبـل الرجـا معقـود=وابلقى عن مقيلك بالسعه لـي فـي وظلالـي


http://sss2.com/up/uploads/images/sss2-0c8e8c3789.gif (http://sss2.com/up/)


ليل هاك الجدايل طـال مسـراه=بين تفسير حلـم وبيـن امانـي
يوم حد الغلا قلبي على أقصـاه=شرع القلـب بيبـان المحانـي
ما رماني ولكـن قلبـي أدمـاه=عـاد وشلـون لامنـه رمانـي
لانقض ليـل مجدولـه وخـلاه=قلت وش هالظلام اللي غشانـي
لو يمر البحر شاطـي شفايـاه=صار بحر الخليج فـرات ثانـي
وين ابلقاه مـدري ويـن ابلقـاه=دامـه بكـل ذره فـي كيانـي
ادري انه نسى الموعد ولاجـاه=بـس ليتـه نسـاه ولانسـانـي
لو عيونه بحرهن ماركـد مـاه=شط الاهداب صار اجمل مواني
يكفي انه حفظ شعـري وغنـاه=وابتسم لي وقـال ادري عشانـي
كل ماترتسم بسمه علـى شفـاه=اشعـر انـه يجاملنـي زمانـي
ليه احبه واحب اسمه وطريـاه=يوم اخذ دم قلبي وش عطانـي
غاب وان شفت نفسي قادر انساه=قلت ربي كتب لي عمـر ثانـي


http://sss2.com/up/uploads/images/sss2-0c8e8c3789.gif (http://sss2.com/up/)